શૉકિંગ / પાલતુ શ્વાને લીધો 80 વર્ષની વૃદ્ધ માતાનો જીવ, ધાબા પર લઈ ગયા બાદ અચાનક કર્યો હુમલો

• ધાબા પર શ્વાનને ફરાવી રહી હતી મહિલા 
• શ્વાની ચેન ખુલ્યા બાદ કર્યો હુમલો 
• મહિલાનું પેટ, માથું અને ચહેરો લોહીલુહાન થયો 

ઉત્તર પ્રદેશના લખનૌઉમાં એક શખ્સે ઘરની સુરક્ષા માટે પિટબુલ શ્વાન પાળ્યો હતો. શ્વાન ઘરે લાવતી વખતે તેણે એવું ક્યારેય નહીં વિચાર્યું હોય કે શ્વાન તેની માતાના મોતનું કારણ બની જશે. લખનૌઉના કૈસરબાગ વિસ્તારની આ ઘટના છે. અહીં પાલતુ પિટબુલ શ્વાનને એક 80 વર્ષની મહિલાને કરડી ખાધી છે. જેનાથી તેમનું દર્દનાક મોત થયું છે. 

કેસરબાદ વિસ્તારના અધ્યક્ષે જણાવ્યું કે 80 વર્ષીય રિટાયર્ડ ટીચર પર તેના પિટબુલ શ્વાને હુમલો કર્યો હતો. શ્વાને એ રીતે કરડી ખાધુ કે મહિલાનું માંસ સુધી બહાર આવી ગયું હતું. તે મહિલા ઘરમાં ત્યારે એકલી હતી. તેનો જીમ ટ્રેનર દિકરો જીમમાં ગયો હતો. મહિલાના પતિનું પહેલા જ મોત થઈ ચુક્યું છે.

જીમ ટ્રેનર છે દિકરો 
મૃતક સુશીલા ત્રિપાઠી કેસરબાગના બંગલી ટોલા વિસ્તારમાં પરિવાર સાથે રહે છે. મૃતક મહિલાનો દિકરો અમિત ત્રિપાઠી અલીગંજ સ્થિત કપૂરથલા પર જીમમાં ટ્રેનર છે. હિંસક નસ્લના પિટબુલ ઉપરાંત ઘરમાં વધુ એક શ્વાન લેબ્રાડોર છે.  

શ્વાનને ધાબા પર ફરવી રહી હતી મહિલા
જાણકારી અનુસાર સુશીલા પિટબુલને છત પર ફરાવી રહી હતી. ત્યારે પિટબુલના ગળામાં બાંધેલી ચેઈન ખુલી ગઈ. પછી તેણે અચાનક સુશીલા પર હુમલો કરી દીધો. શ્વાને એવુ બચકુ ભરી લીધુ કે શરીરમાંથી માંસ પણ બહાર આવી ગયું. તે સમયે ઘરે કોઈ ન હતું. 

વૃદ્ધ સુશીલા પોતાનો જીવ બચાવવા માટે બૂમો પાડી રહી હતી પરંતુ તે પોતાને તેના શકંજામાંથી છોડાવી ન શકી. પિટબુલના બચકાના કારણે તેનું પેટ, માથુ અને ચહેરો સંપૂર્ણ રીતે લહુલુહાન થઈ ગયું હતું.