અધિગ્રહણને લીલીઝંડી / અંબાણીના વેવાઈ દેવામાં ડૂબેલી આ કંપની ખરીદશે, આરબીઆઈએ આપી મંજૂરી

• ડીએચએફએલ પર હાલમાં રુ. 91 હજાર કરોડનું દેવું
• પીરામલની બોલીને 94 ટકા વોટ મળ્યાં 
• ઓકટ્રી કેપિટલે ડીએચએફએલ માટે 38.40 હજાર કરોડની બોલી લગાવી હતી 

પીરામલ ગ્રુપે એક નિવેદન બહાર પાડીને જણાવ્યું કે અમને ડીએચએફએલને ખરીદવા માટે આરબીઆઈની મંજૂરી મળી ગઈ છે. આરબીઆઈની કમિટી ઓફ ક્રેડિટર્સની બેઠકમાં પીરામલ ગ્રુપની કંપની, પીરામલ કેપિટલ એન્ડ હાઉસિંગ ફાઈનાન્સ લિમિટેડે રજૂ કરેલા ઠરાવ પ્લાનને મંજૂરી આપી દેવાઈ છે. 

ડીએચએફએલના અધિગ્રહણ માટે લાગેલી બોલી જીત્યાના એક મહિના બાદ આરબીઆઈએ પીરામલ ગ્રુપને આ કંપની હસ્તગત કરવાની મંજૂરી આપી છે.
15 જાન્યુઆરીએ પીરામલ ગ્રુપે દેવામાં ડૂબેલી ડીએચએફએલને ખરીદવા માટેની બોલી જીતી લીધી હતી.

ઓક્ટ્રી કેપિટલની ઓફર વધારે હતી, છતા મંજૂરી ન મળી

ઓકટ્રી કેપિટલે ડીએચએફએલ માટે 38.40 હજાર કરોડની બોલી લગાવી હતી જ્યારે પીરામલે 37.25 હજાર કરોડની બોલી લગાવી હતી. બેન્કોની સમિતિએ તેને ફક્ત 45 ટકા વોટ આપ્યાં. બોલી જીતવા માટે ઓછામાં ઓછા 66 ટકા વોટની જરુર હતી. પીરામલની બોલીને 94 ટકા વોટ મળ્યાં હતા.

ડીએચએફએલ પર લગભગ 91 હજાર કરોડનું દેવુ

ડીએચએફએલ પર હાલમાં રુ. 91 હજાર કરોડનું દેવું છે તેમાં બેન્ક, નેશનલ હાઉસિંગ બોર્ડ, મ્ચુચ્યુઅલ ફંડ્સ અને બોન્ડ હોલ્ડર્સના પૈસા સામેલ છે. ડીએચએફએલ પર સૌથી વધારે દેવુ સ્ટેટ બેન્ક ઓફ ઈન્ડીયાનું છે. વાર્ષિક રિપોર્ટ અનુસાર માર્ચ 2020 સુધી ડીએચએફએલની પાસે રુ. 79,800 કરોડની સંપત્તિ હતી તેમાંથી 50,227 કરોડ રુપિયા એટલે કે કુલ પોર્ટફોલિયોના 63 ટકા હિસ્સાને એનપીએ જાહેર કરી દેવાયો હતો. 

ડીએચએફએલ પર કોનું કેટલું દેવુ

સ્ટેટ બેન્ક ઓફ ઈન્ડીયા- ર.10083 કરોડ
કેનરા બેન્ક- રુ. 4125 કરોડ
નેશનલ હાઉસિંગ બોર્ડ- રુ.2434 કરોડ
યુનિયન બેન્ક- રુ. 2378 કરોડ
બેન્ક ઓફ બડોદા-રુ.2075 કરોડ
ઈન્ડીયન બેન્ક-રુ. 1552 કરોડ
સેન્ટ્રલ બેન્ક-રુ.1389 કરોડ
આઈડીબીઆઈ બેન્ક-રુ. 999 કરોડ
એચડીએફસી બેન્ક-361 કરોડ