IPLIN
 

ક્રિકેટ / પિંક બોલના સીક્રેટ્સ, રિવર્સ સ્વિંગ કરી શકે તે માટે હાથથી થાય છે સિલાઈ, તૈયાર થવામાં લાગે છે 8 દિવસનો સમય

Team VTV 12:47 PM, 20 Nov 19
Follow us
Pink Balls Hand Stitched To Help Aid Reverse Swing

ભારતમાં કોલકાતાનું ઈડન ગાર્ડન્સ સ્ટેડિયમમાં પ્રથમ વખત ડે-નાઇટ ટેસ્ટ મેચ રમવાની સંપૂર્ણ તૈયારીઓ થઈ ગઈ છે. શુક્રવારથી ભારત અને બાંગ્લાદેશ વચ્ચે આ ઐતિહાસિક ટેસ્ટ મેચ રમાશે. ભારત અને બાંગ્લાદેશ વચ્ચેની આ ડે-નાઇટ ટેસ્ટ મેચ પિંક બોલથી રમવામાં આવશે અને હવે દરેકની નજર બોલ પર છે કે શું તે મેચમાં રિવર્સ સ્વિંગ કરશે કે નહીં.

  • આ ઐતિહાસિક ટેસ્ટ મેચ શુક્રવારથી રમાશે
  • પિંક બોલ રિવર્સ સ્વિંગ થશે કે નહીં તેના પર બધાંની નજર
  • પિંક બોલ બનાવવા 7થી 8 દિવસનો સમય લાગે છે

પિંક બોલની હાથથી સિલાઈ કરવામાં આવી છે

આ દરમિયાન, બીસીસીઆઈના એક અધિકારીએ આઈએએનએસને કહ્યું કે, મેદાનમાં રિવર્સ સ્વિંગ મેળવવા માટે પિંક બોલની હાથથી સિલાઈ કરવામાં આવી છે, જેથી તે રિવર્સ સ્વિંગમાં મદદરૂપ સાબિત થઈ શકે. અધિકારીએ વધુમાં કહ્યું, 'પિંક બોલની સિલાઈ એટલા માટે હાથથી કરવામાં આવી છે, જેથી તે શક્ય હોય તેટલું વધુ રિવર્સ સ્વિંગ કરી શકે અને હવે પિંક બોલથી સ્વિંગ મેળવવામાં કોઈ સમસ્યા નહીં થાય. 

પિંક બોલ બનાવવા 7થી 8 દિવસનો સમય લાગે છે

પિંક બોલ બનાવવા માટે લગભગ 7થી 8 દિવસનો સમય લાગે છે અને ત્યારબાદ તેના પર ગુલાબી રંગનું ચામડું લગાવવામાં આવે છે. એકવાર આ ચામડું તૈયાર થઈ જાય પછી તેના ટુકડા કરવામાં આવે છે અને પછી બોલ પર લગાવવામાં આવે છે. ત્યારબાદ તેની સિલાઈ કરવામાં આવે છે અને ફરી એકવાર તેને રંગવામાં આવે છે. બોલના આંતરિક ભાગની સિલાઈ પહેલાં જ કરી દેવામાં આવે છે અને પછી તેના બાહરના ભાગને સીવવામાં આવે છે. 

એકવાર આ મુખ્ય પ્રક્રિયા પૂર્ણ થઈ જાય પછી તેનું વજન કરવામાં આવે અને મોકલતા પહેલાં બોલને સારી રીતે રંગવામાં આવે છે. પિંક બોલ પરંપરાગત રેડ બોલ કરતા  થોડો ભારે હોય છે.

ડે-નાઇટ ટેસ્ટ ભારત અને બાંગ્લાદેશ પિંક બોલ ટેસ્ટ મેચ pink ball Cricket
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ