ભારત-બાંગ્લાદેશ વચ્ચે રમાઈ રહેલી ટેસ્ટ મેચના બીજા દિવસે ભારતીય કેપ્ટને કરિયરની 27મી સદી ફટકારી રેકોર્ડ પોતાને નામ કર્યો હતો. માત્ર 159 બોલમાં જ તેમણે સદી પૂર્ણ કરી નાખી હતી. આ સાથે જ પિંક બોલથી રમાતી મેચમાં સદી ફટકારનાર પ્રથમ ખેલાડી પણ વિરાટ કોહલી બની ગયો છે. રિકી રિકી પોન્ટિંગનો એક રેકોર્ડ પણ ભારતીય કેપ્ટને તોડ્યો છે.
બાંગ્લાદેશની ટીમને માત્ર 106 રન પર ઓલઆઉટ કરી નાખી હતી
કોલકાતામાં ટીમ ઇન્ડિયાના કેપટને પિંક બોલ ટેસ્ટમાં એક રેકોર્ડ પોતાને નામે કરી લીધો છે. રન મશીન વિરાટ કોહલીએ બાંગ્લાદેશ વિરુદ્ધ ટેસ્ટના બીજા દિવસે સદી ફટકારી હતી. કોહલીએ ધૂઆંધાર 12 બાઉન્ડરી ફટકારી અને 159 બોલમાં જ શતક પૂરો કરી લીધો.ભારતીય ટીમે આ મેચમાં બાંગ્લાદેશની ટીમને માત્ર 106 રન પર ઓલઆઉટ કરી નાખી હતી. જે બાદ ટેસ્ટના બીજા દિવસે વિરાટ કોહલીએ 68મી ઓવરમાં બે રન દોડીને પોતાની સદી પુરી કરી.
પિંક બોલમાં સદી ફટકારનાર પ્રથમ ભારતીય
આ સાથે જ વિરાટ કોહલીએ નવો રેકોર્ડ પોતાને નામે કરી લીધો છે. વિરાટ કોહલી પહેલા એવા ભારતીય ખેલાડી બની ગયા જેમણે પિંક બોલ ટેસ્ટમાં સદી ફટકારી હોય. વિરાટ કોહલી પોતાના અંદાજમાં વિશ્વના મોટા ખેલાડીઓના રેકોર્ડ તોડવા માટે પ્રખ્યા છે ત્યારે આજે પણ તેમણે મહાન ખેલાડી રિરકી પોન્ટિંગનો રેકોર્ડ તોડ્યો છે. કેપ્ટન પદે રહીને સૌથી વધુ સદી ફટકારવાની રેકોર્ડ લિસ્ટમાં રિકી પોન્ટિંગને પાછળ કરી દીધો છે. જોકે આ લિસ્ટમાં સાઉથ આફ્રિકાના પૂર્વ ક્રિકેટર ગ્રીમ સ્મિથ સૌથી ઉપર છે જેમણે 109 ટેસ્ટમાં 25 સદી ફટકારી છે.
ટેસ્ટ મેચમાં 5000 રન પૂરા કરનાર પ્રથમ ભારતીય કેપ્ટન
આ પહેલા કેપ્ટન વિરાટ કોહલી 5000 રન પુરા કરનાર પહેલા ભારતીય કેપ્ટન બની ગયા છે. વિરાટ કોહલીએ કરિયરની 86મી ટેસ્ટમાં જ આ સિદ્ધિ પ્રાપ્ત કરી લીધી છે. ઉલ્લેખનીય છે કે આ ઉપલબ્ધી મેળવનાર દુનિયાના છઠ્ઠા કેપ્ટન વિરાટ કોહલી છે. આ રેકોર્ડમાં પણ પૂર્વ ઓસ્ટ્રેલિયન કેપ્ટન રિકી પોન્ટિંગને પાછળ કર્યો.