પાકિસ્તાનમાં શુક્રવારે બપોરે એક મોટો અકસ્માત થયો. કરાંચી એરપોર્ટ પર એક રહેણાંક વિસ્તાર પરથી પસાર થતું યાત્રીઓ ભરેલું એક વિમાન તૂટી પડ્યું, દુર્ઘટનાના ગણતરીના જ કલાકોમાં પાયલોટ સજ્જાદ ગુલની અંતિમ ડિસ્ટ્રેસ કોલ સામે આવી છે જે સાંભળીને ખબર પડે છે કે, ક્રેશ થવાની ઘટના પહેલા શું થયું હતું. પાયલોટ તૂટલા સિગ્નલ કંન્ટ્રોલ વચ્ચે એન્જીન ખરાબ હોવાની જાણકારી આપી રહ્યો છે અને અચાનક વિમાન તૂટી પડે છે.
પાકિસ્તાનમાં તૂટી પડ્યું વિમાન
પાયલોટે પ્લેનના એન્જીન બંધ થયાની છેલ્લે કરી હતી વાત
તસવીરો ચોંકવનારી
લાહોરથી કરાંચી આવી રહેલું આ પ્લેન મહમ્મદ અલી ઝીણા એરપોર્ટ પર લેન્ડ થવાની તૈયારીમાં હતું. આ ઘટનાની ગણતરીની સેકન્ડ પહેલા પાઇલોટ અને કંટ્રોલ વચ્ચે થયેલો સંવાદ સામે આવ્યો છે. જેમાં પાયલોટ બોલે છે કે,
પાયલોટ : અમારા એન્જીન ખરાબ થઇ ચૂક્યા છે
કંટ્રોલ રૂમ : શું તમે બેલી લેન્ડિંગ માટે તૈયાર છો? 2:05 કલાકે 2 રનવે લેન્ડિંગ હાજર હતા.
પાયલોટ : મેડે..મેડે..મેડે..
ત્યારબાદ વિમાન તૂટી પડ્યું. PIA ના CEOએ સત્તાવાર રીતે જણાવ્યું હતું કે, પાયલોટે ટેકનિકલ ખામી હોવાની વાત કરી હતી. પાયલોટને કહેવામાં આવ્યું હતું કે, 2 રનવે લેન્ડિગ માટે તૈયાર છે. તેમણે જણાવ્યું હતું કે, આ ખરાબી વિશે હજી સુધી જાણી શકાયું નથી.
મેડેનો અર્થ શું છે ?
રેડિયો સંપર્ક દરમિયાન, ડિસ્ટ્રેસ કોલ એટલે મુસીબતમાં હોવાની જાણકારી આપવા માટે 'Mayday' નો ઉપયોગ કરવામાં આવે છે. આ એવી પરિસ્થિતિમાં ઉપયોગ કરવામાં આવે છે જ્યારે જીવનું જોખમ હોય. પોતાના જીવનું જોખમ હોય ત્યારે રેડિયો દ્વારા 3 વખત Mayday બોલીને કંટ્રોલરૂમમાં સૂચના આપવામાં આવે છે. ખરેખર આ ફ્રેન્ચ શબ્દ m'aider થી ઉતરી આવ્યું છે. જેનો અર્થ થાય છે. મારી મદદ કરો.