હવામાં બે વિમાન નજીકમાં ટકરાયા. સમય સુચકતાથી પાયલોટ અને યાત્રીઓ પોતાનો જીવ બચાવવા માટે ઉડી રહેલા વિમાનમાંથી કૂદકો માર્યો હતો અને સદનસીબે કોઈ ઘાયલ થયુ ન હોતુ.
હવામાં અથડાયા હતા બે વિમાન
સમય સુચકતાથી પાયલોટ અને યાત્રીઓ વિમાનમાંથી કૂદી ગયા હતા
સદનસીબે પાયલોટ અને યાત્રીઓમાંથી કોઈ ઘાયલ થયુ નહોતુ
ઘટના 8 વર્ષ જૂની, વીડિયો હવે વાયરલ થયો
બે વિમાનો નજીકમાં ટકરાયા. જ્યાં એક વિમાન દુર્ઘટના સર્જાતા તેને જમીન પર ઉતારવામાં આવ્યું અને બીજુ રનવે પર પાછુ આવી ગયુ. આ ઘટના 8 વર્ષ જૂની છે અને તેનો વીડિયો હવે વાયરલ થઇ રહ્યો છે. દુર્ઘટના વખતે આ દુર્ઘટના પર લખાયુ હતુ કે ચમત્કાર, દુર્ઘટનામાં નવ યાત્રીઓ અને બે પાયલટમાંથી કોઈ પણ ગંભીર રીતે ઘાયલ થયા ન હતા.
બંને વિમાનો એકબીજા સાથે ટકરાતા લાગી હતી આગ
આ દુર્ઘટના નવેમ્બર 2013માં વિસ્કોન્સિનના લેક સુપીરિયરની પાસે થઇ હતી. સ્કાઈડાઈવિંગ ઈન્સ્ટ્રક્ટર માઈક રોબિન્સન મુજબ બંને વિમાન એકસાથે ઉડી રહ્યાં હતા. કારણકે સ્કાઈડાઈવરને વચ્ચે કૂદવુ હતું. પરંતુ ત્યારે બંને વિમાનો એકબીજા સાથે ટકરાયા હતા. જેને કારણે એકમાં આગ લાગી હતી.
ફાયર ફાઈટર વર્ન જોનસને કહ્યું કે, દુર્ઘટના વખતે મુખ્ય પાયલટે કહ્યું કે તેની વિન્ડશિલ્ડ તૂટી ગઇ છે અને પાયલોટે કૂદતા પહેલા ભયાનક અવાજ સાંભળ્યો હતો. વિમાન હવામાં જ ક્રેશ થયુ હતુ. પરંતુ પાયલોટ અને અન્ય લોકો પેરાશૂટ દ્વારા નીચે કૂદી ગયા હતા. આઠ વર્ષ બાદ ફરી એક વખત આ વીડિયો વાયરલ થઇ રહ્યો છે. બીજી તરફ લોકો આ વીડિયો પર કોમેન્ટ કરી રહ્યાં છે. કેટલાંક લોકોએ કહ્યું કે, વિશ્વાસ આવતો નથી કે આટલી ઉંચાઈથી કૂધ્યા બાદ પણ કોઈ ગંભીર રીતે ઘાયલ થયુ નથી.