હવા સાથે વિમાનની જંગ રન-વે પર ન થયું લેન્ડિંગ મુસાફરોના અટક્યા શ્વાસ..!

લેન્ડિંગ સમયે જો વિમાન હવામાં ડોલવા લાગે તો મુસાફરોની શું હાલત થાય તેવા વિચારોથી શરીર ધ્રુજવા લાગે છે. બ્રિટનમાં ખરાબ હવામાનના કારણે કંઈક આવું જ થયું છે. જ્યાં પાયલટ વિમાનનું લેન્ડિંગ કરાવવાનો પ્રયાસ કરી રહ્યો હતો. વિમાન બેસેલામુસાફરોના શ્વાસ અટકી ગયા હતા.

ડગમગતું વિમાન રનવે સુધી તો પહોંચ્યું પણ બાદમાં વિમાનના બન્ને વ્હીલ રોડને ટચ કરે તે પહેલા જ વિમાન ડોલવા લાગ્યું. ત્યાર બાદમાં પાયલટે જે કર્યું તેને ચમત્કાર જ કહી શકાય. આ દ્રશ્યો બ્રિટેનના માન્ચેસ્ટર એરપોર્ટ પર સર્જાયા હતા.

આ દ્રશ્યોમાં પોર્ટુગલ એરલાઈન્સનું વિમાન લેન્ડિંગ માટે તૈયાર છે. જ્યારે તે જમીનથી નજીક આવતાં જ ભારે પવન સાથે સંતુલન બનાવવું વિમાન માટે મુશ્કેલ બની જાય છે. પરંતુ વિમાન રનવે તરફ વધી રહ્યું છે.

આમ વિમાનનું એક વ્હીલ જમીનને ટચ થાય છે અને બીજી જ સેકન્ડે બીજું વ્હીલ પણ જમીનને ટચ થાય છે. પરંતુ પવનનું જોર એટલું હતું કે બન્ને વ્હીલને જમીન પર એક સાથે ટચ નથી થવા દેતા. જેના કારણે પાયલટને વિમાનને કંટ્રોલ કરવા ફરીથી ટેકઓફ કરવું પડે છે.

આવી જ હાલત ઓસ્ટ્રેલાઈ એરલાઈન્સ સાથે પણ થયું હતું. આ વિમાન પણ લેન્ડિંગ ન કરી શક્યું અને પાયલટે તેને પણ જમીન પર ન ઉતાર્યું.

બ્રિટેનના માન્ચેસ્ટરમાં ભારે વરસાદ અને ભારે પવનના કારણે હવામાન ખરાબ હતું. આ સમયે આ ઘટના બની હતી. જોકે બાદમાં બીજા પ્રયાસમાં બન્ને વિમાન સુરક્ષિત લેન્ડિંગ થઈ શક્યા હતા.