મહામુશ્કેલી / ચારધામ યાત્રામાં નિયમોના કારણે મુશ્કેલીઓનો અંબાર, દર્શન વગર પરત આવવા મજબૂર શ્રદ્ધાળુઓ

• ચારધામ યાત્રા હવે શ્રદ્ધાળુઓ માટે માથાનો દુ:ખાવો બની
• શ્રદ્ધાળુઓ દર્શન કર્યા વગર ઘરે પરત ફરવા મજબુર બન્યાં
• શ્રદ્ધાળુઓએ ઉત્તરાખંડ સરકારને આપી કડક ચેતવણી

કારણકે દરરોજ માત્ર 800 શ્રદ્ધાળુઓને દર્શન કરવા માટેની મંજૂરી છે. જેના કારણે 18 સપ્ટેમ્બરથી શરૂ થતી ચારધામ યાત્રાને લઇ ઉત્તરાખંડ સરકારની તૈયારીઓ અને નિયમો પર ધારદાર સવાલ ઉભા થઇ રહ્યાં છે.

યાત્રાળુઓએ ઉત્તરાખંડ સરકારને આપી ચેતવણી

ચારધામ યાત્રા પર આવેલા વૃદ્ધ યાત્રાળુઓ હવે હાથ જોડીને ઉત્તરાખંડ સરકાર અને જિલ્લા વહીવટી તંત્રને ફરિયાદ કરી રહ્યાં છે કે તેમને ચારધામના દર્શન કરવા દેવામાં આવે. પ્રવાસીઓ ત્રણ-ચાર દિવસથી કેટલાંક કિલોમીટરનું અંતર કાપ્યા બાદ પણ પરેશાન છે. કોઈ જગ્યાએ ખાવાનું મળતુ નથી તો કોઈ જગ્યાએ ઉંઘવાની જગ્યા પણ નથી. જે લોકોને ચારધામમાં દર્શન કરતા રોકવામાં આવે છે તેવા તીર્થયાત્રાળુઓએ રાજ્ય સરકારને ચેતવણી આપી છે કે જો ઉત્તરાખંડ સરકાર નહીં જાગે તો ભવિષ્યમાં કોઈ પણ ચારધામ યાત્રા માટે ઉત્તરાખંડ જશે નહીં. ઘણાં રાજ્યોમાંથી નાગરિકો ચારધામના દર્શન કરવા માટે જઇ રહ્યાં છે. પરંતુ ઈ-પાસ અને દેવાસ્થાનમ બોર્ડ પાસ વગર યાત્રાળુઓને દર્શન કરતા અટકાવે છે. જેના કારણે યાત્રાળુઓએ હોબાળો શરૂ કર્યો છે.

શ્રદ્ધાળુઓના ધસારાના કારણે પરેશાની વધી

ઉત્તરાખંડ સરકાર દ્વારા બનાવવામાં આવેલા નિયમોની કોઈ જગ્યાએ સચોટ માહિતી આપવામાં આવી નથી. યાત્રાળુઓનું કહેવુ છે કે રસ્તામાં પ્રવાસ કરતા આખો દિવસ વિતી જાય છે. લોકોએ મજબુરીના કારણે ગાડીમાં ઉંઘી જવુ પડે છે. બદ્રીનાથમાં ઈ-પાસવાળા યાત્રાળુઓ પહોંચી ના શકતા બીજા યાત્રાળુઓને મેન્યુઅલ પાસ બનાવવામાં આવી રહ્યાં છે. જેનાથી થોડી રાહત થઇ છે. જોકે, મેન્યુઅલ પાસની સંખ્યા પણ એક હજાર નક્કી કરવામાં આવી છે. કેદારનાથ ધામમાં પણ શ્રદ્ઘાળુઓને ઈ-પાસની મુશ્કેલી પડી રહી છે. અહીં  પણ મેન્યુઅલ પાસ બની રહ્યાં છે. પરંતુ શ્રદ્ધાળુઓના ધસારાના કારણે પરેશાની વધી છે.

ઘર બેઠાં રજીસ્ટ્રેશનના કારણે મુશ્કેલી વધી

આ મુશ્કેલીનું કારણ એવા લોકો પણ છે, જેણે ઘર બેઠાં ઘણાં રજીસ્ટ્રેશન કરાવ્યાં છે. પરંતુ ચારધામની યાત્રા કરતા નથી. જેના કારણે રજીસ્ટ્રેશન બ્લોક થયા છે. આ મુશ્કેલીથી બચવા માટે વહીવટી તંત્રએ ઘટનાસ્થળે રજીસ્ટ્રેશન કરવાની જરૂર છે. કારણકે વાસ્તવિક સ્થિતિ મુજબ તીર્થયાત્રાળુઓને મોકલવામાં આવે.