કબૂતરના પગમાં ફીટ કરાયેલી છે ચીપ વાળી રિંગ તેમજ કબૂતરોની પાંખમાં અલગ ભાષામાં સંદેશો લખાયેલો છે
પોરબંદરમાં માછીમારોને મળ્યા શંકાસ્પદ કબૂતરો
કબૂતરોની પાંખમાં અલગ ભાષામાં મેસેજ લખેલો
જાસૂસીમાં કબૂતર જેવા પક્ષીઓનો થાય છે ઉપયોગ
ગઈ કાલે પોરબંદર સમુદ્રમાં માછીમારી કરતી ક્રિષ્ના નામની ફિશિંગ બોટ માં બે શંકાસ્પદ કબૂતર મળી આવતા આ કબૂતર નો કબજોપોલીસે લઈ એફ.એસ.ની મદદથી વધુ જાણકારી મેળવવા પ્રયાસ શરૂ કર્યો છે.
પોરબંદર નજીકના મિયાણી ગામ નજીક સમુદ્રમાં ફિશિંગ કરતી ક્રિષ્ના નામની ફિશિંગ બોટમાં ગઈ કાલે બે કબુતરો આવી પહોંચ્યા હતા. કબુતરો ની પાંખમાં અલગ પ્રકારની ભાસામાં કાંઈક લખેલ અને પગમાં રિંગ જેવું જાણતા બોટના ખલાસીઓ એ હર્બર મરીન પોલીસને જાણ કરી હતી અને આ બને શંકાસ્પદ કબુતરો પોલીસ ને સોંપી આપ્યા હતા .પોલીસે કબુતરો મામલે ઉંડાણ પૂર્વક તપાસ શરૂ કરી છે.
પોરબંદર માં ઇન્ડિયન નેવી અને ભારતીય કોસ્ટગાર્ડના વડા મથક હોવાથી સુરક્ષા એજન્સીઓ બન્ને કબુતરો જાસૂસી કે કોઈ અન્ય હિલચાલ માટે આવ્યા તે બાબતે ઝીણવટ ભરી તપાસ ચલાવી રહી છે.જોકે ભૂતકાળ માં 2018માં પણ આવું એક કબૂતર પોરબંદર પોલીસ ને મળી આવ્યું હતું ત્યારે સુરક્ષા એજન્સીઓ સતર્ક બની રહી છે.હાલ તો પોલીસે બોટના ટનડેલ ની મિયાણી મરીન પોલીસમાં જાણવા જોગ ફરિયાદ લઈ તપાસ તેજ કરી છે.