આજકાલ સોશિયલ મીડિયાનો ખોટી રીતે ઉપયોગ કરી રહ્યા છે અને લોકોને ગેરમાર્ગે દોરી રહ્યા છે ત્યારે આવો જ એક મામલો તાજેતરમાં સામે આવ્યો છે જેમાં એવું કહેવામાં આવું છે કે, મોદી સરકાર દરેક મહિલાને પૈસા આપવાની છે.
ઉલ્લેખનીય છે કે, એક યુટ્યુબ વીડિયોમાં દાવો કરવામાં આવી રહ્યો છે કે 'મહિલા શક્તિ યોજના' હેઠળ કેન્દ્ર સરકાર તમામ મહિલાઓના બેંક ખાતામાં 60,000 રૂપિયાની રોકડ રકમ આપી રહી છે.
સોશિયલ મીડિયા પર વાયરલ થયો વીડિયો
આપને જણાવી દઇએ કે, આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે, કારણ કે જો આમ હોય તો, દરેક મહિલા આ યોજનાનો લાભ મેળવવા માંગે છે અને 60 હજાર રૂપિયા પોતાના ખાતામાં જમા થાય તેવું ઇચ્છી રહી છે.
दावा: एक #Youtube वीडियो में दावा किया जा रहा है कि केंद्र सरकार 'महिला शक्ति योजना' के तहत सभी महिलाओं के बैंक खाते में ₹60,000 की नकद राशि दे रही है।#PIBFactcheck: यह दावा फर्जी है। केंद्र सरकार द्वारा ऐसी कोई योजना नहीं चलाई जा रही है। pic.twitter.com/H5OXNYnF4T
પીઆઈબી ફેક્ટ ચેક(PIBFactcheck) ની તપાસમાં મહિલાઓના બેંક ખાતામાં 60,000 રૂપિયા જમા થયાં હોવાનો વીડિયો બનાવટી હોવાનું બહાર આવ્યું છે. યુટ્યુબ પર પોસ્ટ કરાયેલી આ બનાવટી વીડિયો દ્વારા દેશભરના લોકોને ગેરમાર્ગે દોરવામાં આવી રહ્યા છે.
કેન્દ્ર સરકારની આવી કોઇ યોજના જ નથી
કેન્દ્ર સરકાર દ્વારા 'મહિલા શક્તિ' જેવી કોઈ યોજના ચલાવવામાં આવી રહી નથી. મતલબ કે યુટ્યુબમાં 60,000 રૂપિયા આપવાનો દાવો સંપૂર્ણપણે નકલી છે. ત્યારે VTV પણ આપ સૌને આ પ્રકારના વીડિયોથી બચીને રહેવા માટે અપીલ કરે છે.