લોકોને ફ્રોડ મેસેજ કે સમાચારથી બચાવવા માટે પ્રેસ ઇન્ફોર્મેશન બ્યુરોએ આ ખબરનું ફેક્ટ ચેક કર્યું અને તેની માહિતી તેના ઓફિશ્યલ ટ્વિટર હેન્ડલ પર શેર કરી છે.
કેન્દ્ર સરકાર દિકરીઓને આપી રહી છે 1.50 લાખ રૂપિયા?
તમને પણ આવ્યો છે આવો મેસેજ?
જાણો શું છે આ વાયરલ મેસેજની હકીકત
આ દિવસોમાં સોશિયલ મીડિયા પર એક દાવો ખૂબ વાયરલ થઈ રહ્યો છે, જેમાં જણાવવામાં આવી રહ્યું છે કે કેન્દ્ર સરકાર છોકરીઓને આર્થિક રીતે મજબૂત બનાવવા માટે 1.50 લાખ રૂપિયાની આર્થિક સહાય આપી રહી છે.
આ મેસેજ સોશિયલ મીડિયા પર ઝડપથી વાયરલ થઈ રહ્યો છે. આ સાથે કેટલીક યુટ્યુબ ચેનલોએ પણ આવો દાવો કર્યો છે. જો તમને પણ આ વાયરલ મેસેજ મળ્યો છે, તો આ દાવા પર વિશ્વાસ કરતા પહેલા તેનું સત્ય જાણવું ખૂબ જ જરૂરી છે.
सरकारी गुरु' नामक एक #YouTube चैनल की एक वीडियो में दावा किया गया है कि 'प्रधानमंत्री कन्या आशीर्वाद योजना' के तहत सभी बेटियों को ₹1,50,000 की राशि मिलेगी।#PIBFactCheck
▶️ यह दावा फ़र्ज़ी है।
▶️ केंद्र सरकार द्वारा ऐसी कोई योजना नहीं चलाई जा रही है। pic.twitter.com/TmBh2BWZuX
પ્રેસ ઇન્ફર્મેશન બ્યુરોએ આ મામલે ફેક્ટ ચેક કરતી વખતે આ યોજનાની હકીકત જણાવી છે. ચાલો જાણીએ કે શું સરકારે ખરેખર પ્રધાનમંત્રી કન્યા આશીર્વાદ યોજના નામની કોઈ યોજના શરૂ કરી છે.
PIBએ ફેક્ટ ચેક કરી જણાવી હકીકત
લોકોને ગેરમાર્ગે દોરે તેવા સમાચારોથી બચાવવા માટે સરકારના પ્રેસ ઇન્ફર્મેશન બ્યુરોએ આ સમાચારની હકીકત તપાસી છે અને તેની માહિતી તેના સત્તાવાર ટ્વિટર હેન્ડલ પર શેર કરી છે. પીઆઈબીએ પોતાના ટ્વિટમાં જણાવ્યું છે કે કેન્દ્ર સરકાર 'પીએમ કન્યા આશીર્વાદ યોજના' નામની કોઈ યોજના ચલાવી રહી નથી. સોશિયલ મીડિયા પર વાયરલ થયેલો આ દાવો સંપૂર્ણપણે ખોટો છે. આવા સંદેશાઓની આડમાં તમારી અંગત માહિતી કોઈની સાથે શેર કરશો નહીં.
કોઈપણ વાયરલ મેસેજનું કરો ફેક્ટ ચેક
જો તમને કોઈ પણ વાયરલ મેસેજ પર શંકા હોય અને તમે તેની હકીકત તપાસવા માંગતા હો, તો PIB લોકોને ફેક્ટ ચેક કરવાનીની સુવિધા આપે છે. આ માટે તમે તેની સત્તાવાર લિંક https://factcheck.pib.gov.in/ પર જઈને તમારા સમાચારની હકીકત ચકાસી શકો છો. ત્યાં જ જો તમે ઇચ્છો તો તમે તેના વોટ્સએપ નંબર 8799711259 અથવા ઈમેલ આઈડી [email protected] પર મેઇલ કરીને યોજનાઓનું ફેક્ટ ચેક કરાવી શકો છો. ધ્યાનમાં રાખો કે કોઈપણ યોજના માટે અરજી કરતા પહેલા, તેના વિશે સંપૂર્ણ માહિતી લેવી ખૂબ જ મહત્વપૂર્ણ છે. જો તમે આવું ન કરો તો તમે સાયબર ફ્રોડનો શિકાર બની શકો છો.