સરકારી નોકરી આપવાની લાલચ આપનાર એક ફેક વેબસાઈટને લઈને સરકારે લોકોને ચેતવણી આપી છે.
સર્વ શિક્ષા અભિયાનને નામે ફેક વેબસાઈટનો પર્દાફાશ
ફેક વેબસાઈટ લોકોને આપી રહી છે નોકરીઓનો વાયદો
સરકારે લોકોને ફેક વેબસાઈટને લઈને આપી ચેતવણી
નોકરીઓનો ખોટો વાયદો આપનાર એક ફેક વેબસાઈટનો સરકારે પર્દાફાશ કર્યો છે. આ ફેક વેબસાઈટ સરકારની સર્વ શિક્ષા અભિયાનની સત્તાવાર વેબસાઈટના ઓથા હેઠળ ફેક વેબસાઈટ ચલાવી રહી હતી અને લોકોને નોકરીઓને મોટા મોટા સપના દેખાડતી હતી.
સર્વ શિક્ષા અભિયાનની એક ફેક વેબસાઈટ સામે આવી
હકીકતમાં છેલ્લા કેટલાક સમયથી સર્વ શિક્ષા અભિયાનની એક ફેક વેબસાઈટ ચલણમાં આવી છે જેની પર લોકોને નોકરીઓના મોટા મોટા વાયદાઓ કરાઈ રહ્યાં છે. લોકો પણ તેને સાચી માનીને કહ્યાં પ્રમાણે નોકરીની અરજી કરી રહ્યાં છે અને પેમેન્ટ કરી રહ્યાં છે. આ વાતે ધ્યાનમાં આવતા સરકારી સંસ્થા પીઆઈબી દ્વારા તેનું ફેક્ટ ચેક કરવામાં આવતા તે વેબસાઈટ ફેક હોવાનું પુરવાર થયું હતું જે પછી પીઆઈબી દ્વારા લોકોને આવી વેબસાઈટ પર એપ્લાય ન કરવાની ચેતવણી આપી હતી. પીઆઈબીએ કહ્યું કે આ વેબસાઈટને ભારત સરકાર સાથે કોઈ લેવાદેવા નથી. સાચી માહિતી માટે લોકો samagra.education.gov.in સમગ્ર શિક્ષા અભિયાનની સત્તાવાર વેબસાઇટ પર જઇ શકે છે. પીઆઈબીએ ટ્વીટ કરીને આ જાણકારી આપી છે.
A #Fake website, 'https://t.co/jkpggN6Inv' posing as the official website of the Samagra Shiksha Abhiyan is claiming to provide jobs for various posts.#PIBFactCheck
▶️This website is not associated with the Govt. of India
ફેક વેબસાઈટ પર નોકરી માટે એપ્લાય ન કરતા
આ નકલી વેબસાઇટ પર જવા પર જાણવા મળે છે કે અહીં નોકરીની ખાલી જગ્યાની વિગતો આપવામાં આવી રહી છે. શિક્ષક ભરતીથી આન્સર કી જેવી માહિતી વેબસાઇટ પર ઉપલબ્ધ કરાવવામાં આવી છે. વેબસાઇટમાં લાખો નોકરીઓ ખાલી હોવાનો દાવો કરવામાં આવી રહ્યો છે. આવી સ્થિતિમાં, લોકોને ચેતવણી આપવામાં આવે છે કે લોકોએ આ વેબસાઇટ દ્વારા કોઈપણ પ્રકારની નોકરી માટે અરજી ન કરવી જોઈએ.
શું છે સર્વ શિક્ષા અભિયાન?
હકીકતમાં, કેન્દ્રીય બજેટ 2018-19 માં, પૂર્વ-નર્સરીથી ધોરણ 12 સુધીના શિક્ષણને વહેંચવામાં આવ્યા વિના સંપૂર્ણ રીતે ધ્યાનમાં લેવાની દરખાસ્ત કરવામાં આવી હતી. આ અંતર્ગત સમગ્ર શિક્ષા અભિયાન શરૂ કરવામાં આવ્યું હતું, જેનો હેતુ પૂર્વ શાળાથી લઈને ધોરણ 12 સુધીના શાળા શિક્ષણ માટે તૈયાર કરવામાં આવ્યો હતો.