સાવધાન / Fact Check: સરકાર મિશન રોજગાર યોજના ચલાવી રહી છે? તમને આવો કોઈ મેસેજ આવ્યો હોય તો ખાસ વાંચજો

• ભારત સરકાર રોજગારની યોજના ચલાવી રહી છે? 
• સોશિયલ મીડિયા પર વાયરલ થયો મેસેજ 
• જાણો શું છે આ મેસેજની હકીકત 

મોદી સરકાર દેશના ગરીબ અને મધ્યમ વર્ગના લોકો માટે સમયાંતરે વિવિધ યોજનાઓ લાવતી રહે છે. આ યોજનાઓની મદદથી સરકાર મહિલાઓ, વિદ્યાર્થીઓ, ખેડૂતો અને બેરોજગાર યુવાનોને મદદ કરે છે. બેરોજગાર યુવાનોને રોજગારીની નવી તકો આપવા માટે અનેક પ્રકારની યોજનાઓ ચલાવવામાં આવે છે.પરંતુ ઘણી વખત સાયબર ક્રાઈમ કરનારા લોકો સરકારી યોજનાઓનું નામ લઈને લોકોને પોતાનો શિકાર બનાવે છે. 

भारतीय मिशन रोजगार योजना नाम की एक वेबसाइट बेरोजगारों को 1,280 रुपए के आवेदन शुल्क के बदले सरकारी नौकरी दिलाने का दावा कर रही है।#PIBFactCheck

➡️यह वेबसाइट फर्जी है।

➡️भारत सरकार द्वारा ऐसी कोई योजना नहीं चलाई जा रही है।

➡️ऐसी धोखाधड़ी से सावधान रहें। pic.twitter.com/gCzue471MZ

— PIB Fact Check (@PIBFactCheck) June 9, 2022

સોશિયલ મીડિયા પર ફરી રહ્યો છે આવો મેસેજ 
છેલ્લા કેટલાક વર્ષોમાં દેશમાં ડિજિટલાઇઝેશન ખૂબ જ ઝડપથી વધી રહ્યું છે. ડિજીટલાઇઝેશનમાં વધારા સાથે સાયબર ક્રાઇમના કેસોમાં પણ ઝડપથી વધારો થયો છે. આવી સ્થિતિમાં કોઈપણ પ્રકારના વાઈરલ મેસેજ પર વિશ્વાસ કરતા પહેલા તેનું સત્ય જાણવું ખૂબ જ જરૂરી છે. 

હાલમાં જ સોશિયલ મીડિયા પર એક મેસેજ વાયરલ થઈ રહ્યો છે જેમાં દાવો કરવામાં આવ્યો છે કે ભારતીય મિશન રોજગાર યોજના હેઠળ લોકોને નોકરી આપવામાં આવી રહી છે. તો ચાલો જાણીએ આ વાયરલ મેસેજની શું છે હકીકત 

PIBએ ટ્વીટ કરીને આપી જાણકારી
ભારતીય મિશન રોજગાર યોજનાના આ વાયરલ મેસેજની હકીકત જાણવા માટે PIBએ વાયરલ મેસેજની તપાસ કરી છે. આ ફેક્ટ ચેક અંગે માહિતી આપતાં પીઆઈબીએ એક ટ્વીટમાં જણાવ્યું છે કે, 'ભારતીય મિશન રોજગાર યોજના નામની વેબસાઈટ 1,280 રૂપિયાની અરજી ફીના બદલામાં બેરોજગારોને સરકારી નોકરી આપવાનો દાવો કરી રહી છે. આ વેબસાઈટ ફેક વેબસાઈટ છે. ભારત સરકાર દ્વારા આવી કોઈ યોજના ચલાવવામાં આવી રહી નથી. આવી છેતરપિંડીથી સાવધન રહો.

ન કરો પૈસા આપવાની ભૂલ
પીઆઈબીને તેના ફેક્ટ ચેકમાં જાણવા મળ્યું છે કે આ વાયરલ મેસેજ સંપૂર્ણપણે નકલી છે. આ પ્રકારના મેસેજમાં 1,280 રૂપિયા માંગવામાં આવે છે. જે આપવાની ભૂલ ન કરતા. તેઓ તમારી પાસેથી પૈસા લઈને તમને છેતરપિંડીનો શિકાર બનાવી શકે છે. 

આ સાથે તમે તમારી અંગત વિગતો અને બેંકની વિગતો કોઈપણ અજાણ્યા વ્યક્તિ સાથે શેર ન કરો. કોઈપણ સરકારી યોજના વિશે માહિતી મેળવવા માટે તેની સત્તાવાર વેબસાઇટ પર ક્લિક કરો.