U-19 / બાંગ્લાદેશી જીત પચાવી ન શક્યા, મેચ પૂરી થતા જ ભારતના ખેલાડી પાસે જઇને કર્યું આવું

• ભારતને 3 વિકેટે હરાવ્યા બાદ પ્રથમ ચેમ્પિયન બન્યું બાંગ્લાદેશ
• ટીમ ઈન્ડિયાએ વધુ 33 રન આપ્યા, કારમી હાર મળી
• બાંગ્લાદેશી ખેલાડીઓએ ભારતીય ખેલાડીઓ સાથે ગેરવર્તન કર્યું

ક્રિકેટને સૌમ્ય માણસની રમત માનવામાં આવે છે, પરંતુ કેટલીકવાર તેનો ચેહરો બદલાઈ જાય છે અને તે નિંદનીય પણ બને છે. U-19 વર્લ્ડ કપની ફાઇનલમાં પણ ક્રિકેટનો એક અણછાજતો ચહેરો પણ જોવા મળ્યો હતો. હકીકતમાં, ફાઈનલ મેચમાં ભારત પાર બાંગ્લાદેશની ઐતિહાસિક જીત બાદ બાંગ્લાદેશી ખેલાડીઓએ ભારતીય ખેલાડીઓ સાથે ગેરવર્તન કર્યું હતું.

જીત બાદ ખુશી મનાવતા મેદાન પર બાંગ્લાદેશી ખેલાડીઓમાંથી એક ખેલાડી મેદાન પર હાજર ભારતીય ખેલાડી પાસે પહોંચ્યો અને અડીને તેની સામે ઉભો રહી ગયો, એટલું જ નહીં બાંગ્લાદેશી ખેલાડીએ કંઇક ઉશ્કેરણીજનક વાત પણ કરી. જ્યાર બાદ સામે ઉભેલા ભારતીય ખેલાડીએ તેને તેના હાથથી દૂર હટાવ્યો.

ત્યારબાદ મેદાન પર હાજર અમ્પાયરે બંને ખેલાડીઓને એકબીજાથી દૂર લઈ ગયા. બાંગ્લાદેશી ખેલાડીઓ આ મેચમાં ઘણી વખત ભારતીય ખેલાડીઓની સામે સ્લેજિંગ કર્યું, એટલે કે અનિયંત્રિત વસ્તુઓ પણ. આ વાત સ્વીકારતા બાંગ્લાદેશી ટીમના કેપ્ટન અકબરે પોસ્ટ મેચ પ્રેઝન્ટેશન દરમિયાન કહ્યું હતું કે મેચ દરમિયાન તેના કેટલાક ખેલાડીઓએ ભારતીય ખેલાડીઓ પ્રત્યે આક્રમક બોડી લેંગ્વેજ બતાવી.

દક્ષિણ આફ્રિકાના ભૂતપૂર્વ ક્રિકેટર જેપી ડ્યુમિનીએ વીડિયો શેર કર્યો છે જેમાં ખેલાડીઓ વચ્ચેનો તણાવ સ્પષ્ટપણે જોઇ શકાય છે.

Amazing scenes here in Potchefstroom as Bangladesh pull off a miraculous victory and are the u/19 world champions.. well fought india.. standard of cricket today and throughout this tournament has been world class.. congrats Bangladesh #U19WorldCup #FutureStars pic.twitter.com/JD7re0KLo2

— JP Duminy (@jpduminy21) February 9, 2020

મેચમાં શું થયું?

બોલરોના સર્વશ્રેષ્ઠ પ્રદર્શન બાદ અકબર અલીની કેપ્ટનશીપ ઈનિંગ બાદ બાંગ્લાદેશે લો-સ્કોર વાળા આઇસીસી અંડર-19 ક્રિકેટ વર્લ્ડ કપ ફાઇનલમાં ભારતને 3 વિકેટે હરાવીને પ્રથમ વખત વર્લ્ડ કપ જીત્યો. ભારતે પહેલા બેટિંગ કરીને બાંગ્લાદેશને 178 રનનો લક્ષ્યાંક આપ્યો હતો. આ લક્ષ્યનો પીછો કરતા જ્યારે બાંગ્લાદેશે જ્યારે 41 ઓવરમાં 7 વિકેટે પર 163 રન બનાવ્યા હતા ત્યારે વરસાદને કારણે રમત બંધ કરવી પડી હતી.

ટીમ ઈન્ડિયાએ વધુ 33 રન આપ્યા હતા જેનાથી...

જ્યારે મેચ ફરી શરૂ થઈ ત્યારે બાંગ્લાદેશે 46 ઓવરમાં 170 રનનો લક્ષ્યાંક હાંસલ કર્યો હતો, જે તેઓએ 42.1 ઓવરમાં સાત વિકેટે 170 રન બનાવીને હાંસલ કર્યો હતો. બાંગ્લાદેશના સુકાની અકબરે 77 બોલમાં 4 ચોગ્ગા અને 1 છગ્ગાની મદદથી અણનમ 43 રન બનાવ્યા. ભારતને પણ ઓછી સ્કોરની મેચમાં દિશાહીન બોલિંગનો ભોગ બનવું પડ્યું. ટીમ ઈન્ડિયાએ વધુ 33 રન આપ્યા હતા જેનાથી બાંગ્લાદેશ માટે જીતનો માર્ગ વધુ સરળ બન્યો હતો.

રવિ બિશ્નોઇએ 30 રનમાં 4 વિકેટ ઝડપી

ચાર વખતની ચેમ્પિયન ટીમ ઈન્ડિયા તરફથી લેગ સ્પિનર ​​રવિ બિશ્નોઇએ 30 રનમાં 4 વિકેટ ઝડપી હતી પરંતુ તે ટીમને જીત ન અપાવી શક્યો. સુશાંત મિશ્રાએ પણ 25 રનમાં 2 વિકેટ ઝડપી હતી. ભારતીય બેટ્સમેન જયસ્વાલે 121 બોલમાં 88 રનની ઇનિંગ રમી હતી. પરંતુ તેની ઇનિંગ હાર સાથે બેકાર ચાલી ગઇ.