રાજ્યસભાની 4 બેઠકોની ચૂંટણી આંગણે આવીને ઉભી છે ત્યારે ભાજપે ત્રણ ઉમેદવાર ઊભા રાખતાં ગુજરાત કોંગ્રેસનો જીવ પડીકે બંધાયો હતો. તો ભાજપ ત્રીજી બેઠક જીતવા હોર્સ ટ્રેડિંગ કરે તેવી ભીતિથી ગુજરાત કોંગ્રેસના ધારાસભ્યોને જયપુર ખસેડવામાં આવ્યા છે ત્યારે કોંગ્રેસના ધારાસભ્યો જયપુરમાં જે રિસોર્ટમાં રોકાયા છે તે આલિશાન મહેલની તુલનાએ આવે છે.
ઉલ્લેખનીય છે કે, ગુજરાત કોંગ્રેસના ધારાસભ્યોને જયપુરમાં આવેલ શિવ વિલાસ રિસોર્ટમાં ઉતારો આપવામાં આવ્યો છે. શિવ વિલાસ રિસોર્ટ એક લક્ઝુરિયસ રિસોર્ટ છે. આ રિસોર્ટ દિલ્હી-જયપુર હાઇવે પર આવેલ છે. આપને જણાવી દઇએ કે, આ હોટલમાં એક દિવસનું ભાડું 20 હજારથી શરૂ થઇને 2.50 લાખ રૂપિયા સુધીનું છે.