સુરેન્દ્રનગર / PHOTOS: કાર પલટી જતા હાઈવે પર દારૂની બોટલો ખખડી, 'અકસ્માતે' દારૂબંધીને ઉજાગર થઈ

• સુરેન્દ્રનગરમાં હાઇવે પર દારૂની રેલમછેલમના દ્રશ્યો
• લખતર તાલુકાના ઓળક ગામ પાસે દારૂ ભરેલી કાર પલટી
• અકસ્માતમાં દારૂ ભરેલી કારનો ચાલક ઘાયલ

સુરેન્દ્રનગર નજીક લખતર તાલુકાના ઓળક ગામ પાસે આજે સવારના સુમારે દારૂ ભરેલી ઈકો કામ પલ્ટી મારી જતા રોડ પર દારૂની રેલમછેલ થવા પામી હતી. ત્યારે ઈકો કાર ચાલકે ઓળક ગામ પાસે ગાડી પરનો કાબુ ગુમાવતા કાર પલ્ટી મારી ગઈ હતી.

ઘાયલ થયેલ બે વ્યક્તિઓને સારવાર અર્થે ખસેડાયા
અકસ્માત સર્જાતા આસપાસના લોકો ઘટના સ્થળે દોડી આવ્યા હતા. અકસ્માત સર્જાતા દારૂની રેલમછેલ થતા લોકોએ દોડાદોડ કરી હતી.  ત્યારે બનાવની જાણ થતા પોલીસ કાફલો ઘટના સ્થળે પહોંચી ગયો હતો. અકસ્માતમાં ઘાયલ થયેલ બે વ્યક્તિઓને સારવાર અર્થે સુરેન્દ્રનગરની હોસ્પિટલ ખાતે ખસેડવામાં આવ્યા હતા. 
લોકોએ દારૂની લૂંટ ચલાવી
કાર રોડના ડિવાઈડર ઉપર ચડી જતા પલ્ટી ખાઈ ગઈ હતી. લખતર હાઈવે પર લોકોનાં ટોળે ટોળા એકત્રીત થઈ ગયા હતા. ત્યારે  ગાડીમાં દારૂ હોવાની જાણ આસપાસના ગ્રામજનોને થતા ગ્રામજનોએ ગાડીમાંથી દારૂની લૂંટ ચલાવી હતી. ત્યારે આ અંગે પોલીસે ગુનો નોંધી આગળની કાર્યવાહિ હાથ ધરી છે.