દાદાનાં દરબારમાં / PHOTOS: જય સોમનાથ.! કેન્દ્રીય ગૃહ મંત્રી અમિત શાહે દેવાધિદેવની કરી પૂજા-અર્ચના, પૌત્રી અને પત્ની પણ હતા હાજર

• અમિત શાહે સોમનાથ ટ્રસ્ટની મોબાઈલ એપનું લોન્ચિંગ કર્યું
• કેન્દ્રીય ગૃહ અને સહકાર મંત્રી અમિત શાહ સોમનાથ મંદિર ખાતે દાદાનાં દર્શન કર્યા
• પરિવાર સાથે દેવાધિદેવની વિધિવત કરી પૂજા અર્ચના

કેન્દ્રીય ગૃહ અને સહકાર મંત્રી બે દિવસીય ગુજરાતની મુલાકાતે છે. ત્યારે ગત રોજ ગાંધીનગર ખાતે બેઠક તેમજ વિવિધ વિકાસના કામોનું લોકાર્પણ કર્યું હતું. ત્યારે આજે જૂનાગઢ ખાતે જૂનાગઢ જીલ્લા બેંક મુખ્યાલયનો શિલાન્યાસ તથા કૃષિ શિબિરમાં એપીએમસી કિસાન ભવનનું ઉદ્ધાટન કરવામાં આવ્યું  હતું. તેમજ બપોરે અમિત શાહે સોમનાથ મંદિરમાં પરિવાર સાથે પૂજા અર્ચના અને સોમનાથ ટ્રસ્ટની મોબાઈલ એપનું લોન્ચિંગ તથા વિભિન્ન વિકાસકાર્યોનું ઈ-લોકાર્પણ કર્યું હતું. જ્યારે સાંજે ગુજરાત કેન્દ્રીય વિશ્વ વિદ્યાલયનો દીક્ષાંત સમારોહ યોજાશે. જેમાં કેન્દ્રીય ગૃહ અને સહકાર મંત્રી ઉપસ્થિત રહેશે.

Union Home Minister Amit Shah along with his family members offers prayers at Somnath Temple in Gir, Gujarat pic.twitter.com/C6f35XARZh

— ANI (@ANI) March 19, 2023

કેન્દ્રીય ગૃહ અને સહકાર મંત્રીએ પરિવાર પૂજા અર્ચના કરી
કેન્દ્રીય ગૃહ અને સહકાર મંત્રી જૂનાગઢની મુલાકાતે છે. ત્યારે અમિત શાહ સોમનાથ પહોંચ્યા હતા. જ્યાં અમિત શાહ, પત્ની, પુત્ર,  પુત્રવધુ અને પૌત્રી સહિત પરિવારજનો સાથે સોમનાથ દાદાના દર્શનાર્થે પહોંચ્યા હતા. સોમનાથ ટ્રસ્ટના ટ્રસ્ટી સહિતના મહાનુભાવોએ પણ કેન્દ્રીય ગૃહ તેમજ સહરાક મંત્રીનું સ્વાગત કર્યું હતું. અમિત શાહે તેમજ પરિવારજનોએ સોમનાથ દાદાના દર્શન કર્યા હતા. અને દેવાધિદેવની વિધિવત પૂજા અર્ચના કરી હતી. સોમનાથ મહાદેવનાં જળાભિષેક કર્યો હતો. ત્યારે સોમનાથ મંદિરે ભાજપના મંત્રીઓ અને કાર્યકરો પણ મોટી સંખ્યામાં હાજર રહ્યા હતા.

એપની વિશેષતાઓ
 ઉપરાતં આ એપના મદદથી ઓનલાઈન પૂજાવિધિ નોંધણી, નજીકના જોવાલાયક સ્થળોની માહિતી, સામાજિક પ્રવૃતિ ટ્રસ્ટ દ્વારા જીવનના ઉદ્ધાર માટે કરવામાં આવી રહેલા કાર્યોના ફોટા અને વિગતો તેમજ   સોમનાથના તાજેતરના અપડેટ્સ, ફોટો ગેલેરી, ઇ-લાઇબ્રેરી સહિત સોમનાથ તીર્થને લગતા પુસ્તકો, ટ્રસ્ટના સામયિકો, ઈ-માલા સહિતની જાણકારી મળી રહેશે. આ એપના મદદથી   મુસાફરો તેમનો અનુભવ પણ શેર કરી શકશે.