વાહ નેતાજી / કોરોના મહામારીમાં લોકો લાઈનમાં હેરાન અને ભાજપના નેતાઓની ફોટોબાજી થતી નથી બંધ

• ભાજપના નેતાઓ ફોટાઓમાં વ્યસ્ત
• માત્ર ફોટા પડાવી માને છે સંતોષ 
• સહાયમાં પાછળ ફોટા પડાવવામાં આગળ

ગુજરાતમાં એક તરફ લોકો સારવાર અને હોસ્પિટલમાં બેડ માટે લાઈન લગાવીને ઉભા છે. દર્દીઓ હેરાન પરેશાન છે. એમ્બ્યુલન્સની પણ લાઈનો લાગી છે. આવા સમયે ભાજપના કેટલાક નેતાઓ પોતાની પ્રસિદ્ધિને કાયમ રાખવા માટે કાર્યક્રમોમાં હાજરી આપી ફોટો સેશન કરાવી રહ્યા છે. કોરોના મહામારીમાં પણ ભાજપ નેતાઓનું ફોટો સેશન્સ ચાલુ છે. નેતાઓ કોઈપણ પરિસ્થિતિમાં નેતાગીરી છોડતા નથી. તેવું આ ઘટના પરથી સાબિત થઈ ગયું છે. કચ્છમાં કોવિડ સેન્ટરના ઉદ્વાટનમાં ખાસ ફોટો સેશન યોજાયું હતું. સિમેન્ટ કંપની દ્વારા ભૂજમાં કોવિડ સેન્ટર શરૂ કરાયું છે. અને કોવિડ સેન્ટર ઉદ્વાટનમાં ભાજપ નેતાઓનો જમાવડો જોવા મળ્યો હતો. તો સાથે કોવિડ સેન્ટરની રિબિન કાપી ફોટો પણ પડાવ્યા હતા. 

ગુજરાતમાં કોરોનાની સ્થિતિ

લાંબા સમય બાદ અમદાવાદમાં થોડા રાહતના સમાચાર દેખાઈ રહ્યા છે. અમદાવાદમાં છેલ્લા થોડાક દિવસોથી કોરોનાના કેસો પણ ઘટી રહ્યા છે અને ગઈકાલથી અમદાવાદ સિવિલ હોસ્પિટલ ખાતે એમ્બ્યુલન્સની લાંબી લાઈનમાં પણ ઘટાડો થયો છે. એટલુ જ નહીં પ્રથમ વખત 50 કરતા વધુ ઓક્સીજન બેડ સીવીલ મેડીસીટી કેમ્પસમાં ખાલી હોવાના પણ સમાચારા સામે આવી રહ્યા છે. આ તમામ દ્વશ્યો જોતા લાગી રહ્યું છે કે જો અમદાવાદ તેમજ ગુજરાતીઓ જો ઘરમાં રહેશે તો કોરોનાની બીજી વેવને આપણે હરાવી શકીશું.

અમદાવાદની સિવિલ હોસ્પિટલના ડોક્ટરો અને મેનેજમેન્ટને અને ખાસ કરીને સુપ્રિટેન્ડેનને જામણે રાત દિવસ જોયા વગત સતત કામ કર્યું અને સિવિલ હોસ્પિટલની બહાર પડી રહેલા એમ્બ્યુલન્સના કાફલાને ઓછો કરવા માટે સતત મહેનત કરી હતી. એક પણ ફરિયાદ વગર સિવિલ હોસ્પિટલની તમામ ટીમો સતત કામ કરી રહી છે અને કદાચ એના કારણે જ આવી મહામારીમાં 80થી 100 એમ્બ્યુલન્સ લાઈનમાં હોવા છતાં તેઓએ હિંમ્મત હાર્યા વગર કામ કર્યું અને કરી રહ્યા છે. જેના લીધે જ સિવિલમાંથી દર્દીઓ જલ્દી રિકવર થઈ ઘરે જઈ રહ્યા છે અને સિવિલમાં આજે 50 કરતા વધુ ઓક્સિજન બેડ ખાલી છે.