વર-વધુનાં ફોટો ક્લિક કરતા કરતા ફોટોગ્રાફર વરને સાઈડમાં કરીને દુલ્હનનાં એટલો નજીક જતો રહ્યો કે, પછી વર તેનો પારો ખોઈ બેઠો અને કરી નાંખી ફોટોગ્રાફર સાથે આવું કામ.
ટ્વીટર પર લગ્નનો એક વીડિયો ખૂબ વાયરલ થયો
ફોટોગ્રાફરની હરકતથી વરે તેની સહનશક્તિ ગુમાવી
દુલ્હન વરનાં કામથી સ્ટેજ પર પડી ગઈ
સોશિયલ મીડિયા પર થઈ રહ્યો છે વીડિયો વાયરલ
લગ્નનો અર્થ ફક્ત સાત ફેરા ફરી લેવા તેવુ નથી હોતો પણ તેની સુંદર યાદોને સાચવી રાખવી તે પણ હોય છે, જે યાદોને ભવિષ્યમાં યાદ કરીને આનંદની લાગણી અનુભવીને ફરીથી તે પળોને વાગોળવાનો લહાવો લેવો જોઈએ. જોકે લગ્નમાં સૌથી વધારે ફોટોગ્રાફરને માન મળતુ હોય છે. સોશિયલ મીડિયા પર એક લગ્નનો વીડિયો ખૂબ વાયરલ થઈ રહ્યો છે. જેમાં વર-વધુ સ્ટેજ પર ઉભા છે અને ફોટોગ્રાફર ફોટો ક્લિક કરી રહ્યો છે. પણ અચાનક વર ફોટોગ્રાફરને લાફો ઝીંકી દે છે.
ફોટોગ્રાફર વધુનો ક્લોઝઅપ ફોટો ક્લિક કરવા લાગ્યો
ફોટોગ્રાફર જ્યારે અચાનક વરને સાઇડમાં કરીને જ્યારે વધુનો ક્લોઝઅપ ફોટો ક્લિક કરવા લાગ્યો ત્યારે ફોટોગ્રાફરની આ હરકત વરને ના ગમી અને તેણે ફોટોગ્રાફરને લાફો ઝીંકી દીધો. જેને ઘટનાને જોઈને વધુ હંસી પડી અને તે વીડિયો જોઈને તમે પણ ખડખડીને હસી પડશો.
8 લાખથી વધુ લોકોએ વીડિયો જોયો
આ વીડિયોએ એક ટ્વીટર યૂઝરે શેર કર્યો હતો. તેણે કેપ્શનમાં લખ્યુ હતું કે, આ દુલ્હનને તો દિલ જીતી લીધુ. આ વીડિયો અત્યારસુધી 8 લાખથી પણ વધારે લોકોએ જોય છે અને 67 હજારથી વધારે લાઇક્સ સાથે 15.7 હજાર રીટ્વીટ કરવામાં આવ્યો છે.
દુલ્હની લોટપોટ થઈને સ્ટેજ પર પડી ગઈ
45 સેકન્ડનાં આ વીડિયોમાં જોવા મળે છે કે વર-વધુ સ્ટેજ પર ઉભા છે. ફોટોગ્રાફર બંનેનાં ફોટોઝ ક્લિક કરી રહ્યો છે. થોડા સમયમાં તે વરને સાઈડમાં કરીને ફક્ત વધુનાં ફોટોઝ ક્લિક કરવા લાગે છે. દુલ્હનને પોઝ સમજાવતા ફોટોગ્રાફર તેની ખૂબ નજીક જતો રહે છે. ફોટોગ્રાફરની આ હરકત વર ચુપચાપ જોઈ રહ્યો હોય છે પણ થોડા સમયમાં તેની સહનશક્તિ ખુટી પડે છે અને તે ફોટોગ્રાફરને ગરદન પર એક લાફો ઝીંકી દે છે. વરનાં આ કામથી દુલ્હન હસી હસીને લોટપોટ થઈને સ્ટેજ પર પડી જાય છે. હજાર યુઝર્સે આ વીડિયો પર પોતાની પ્રતિક્રિયા આપી છે.