OMG / અરે આવો ધંધો ! અંતિમવિધિનો સામાન વેચવા લાગી કંપની, ફોટો વાયરલ થતા લોકો ભડક્યાં

• મુંબઈની કંપનીએ શરુ કર્યો અંતિમવિધિનો સામાન વેચવાનો ધંધો 
• અંતિમવિધિનો સામાન વેચવાનો ફોટો થયો વાયરલ
• IASએ કહ્યું- આવો ધંધો શરુ કરવાની શું જરુર 

પૈસા કમાવવા માટે લોકો ગમે તેવો ધંધો શરુ કરતા હોય છે. મુંબઈની એક કંપનીએ તો હદ કરી નાખી. સુખાંત ફ્યુનરલ મેનેજમેન્ટ પ્રાઇવેટ લિમિટેડ કંપનીએ અંતિમ સંસ્કારની સેવા શરુ કરી છે. આ ઘટનાની એક તસવીર વાયરલ થઈ છે જે પછી લોકો ભડક્યાં હતા. આ ફોટો ભારતીય પ્રશાસનિક સેવા (આઈએએસ)ના અધિકારી અવનીશ શરણ સહિત અનેક સોશિયલ મીડિયા યૂઝર્સે પોસ્ટ કર્યો છે. તે એક ઇવેન્ટમાં કંપનીનો સ્ટોલ બતાવે છે, તેની પ્રોફાઇલ દર્શાવે છે. તેની વેબસાઇટ અનુસાર, મુંબઈ સ્થિત કંપની "મૃત્યુ પછીની તમામ વિધિઓ અને જવાબદારીઓનું ધ્યાન રાખશે" જેથી શોકગ્રસ્ત સંબંધીઓને રાહત અને તણાવ મુક્ત વાતાવરણ પ્રદાન કરી શકાય.

ऐसे ‘स्टार्टअप’ की ज़रूरत क्यों पड़ी होगी ? pic.twitter.com/UekzjZ5o7b

— Awanish Sharan (@AwanishSharan) November 20, 2022

કંપની અંતિમ સંસ્કાર માટે જરૂરી વસ્તુઓ પૂરી પાડે છે 
કંપની જેમના ઘરમાં મરણ થયું હોય તેમને એમ્બ્યુલન્સ સેવા, અંતિમ સંસ્કાર માટે જરૂરી તમામ વસ્તુઓની વ્યવસ્થા કરે છે અને મૃત્યુ પ્રમાણપત્ર મેળવવામાં સહાય પૂરી પાડે છે.

Unbelievable https://t.co/4uypQ2y16i

— Mrigendra Singh Baghel (@mrigendra87) November 21, 2022

38000 રુપિયામાં મળશે અંતિમવિધિનો સામાન 
કંપની 38,000 રુપિયા લઈને મરણ માટે જરુરી તમામ સેવાઓ પૂરી પાડે છે જેવી કે નનામી તૈયાર કરાવવી, એમ્બ્યુલન્સની વ્યવસ્થા, માણસો મોકલવા, ચિતા સળગાવવી, મૃતકને ચિતા પર રાખવા, રોનાર માણસો, અને છેલ્લે અસ્થિ વિસર્જન. કિઓસ્કમાં હાજર કંપનીના પ્રતિનિધિઓએ જણાવ્યું હતું કે તેમની ટીમ અંતિમવિધિ પાર પડાવવા માટે 38,000ની ફી લેશે અને અસ્થિ વિસર્જનમાં પણ મદદ કરશે. 

कलियुग...... https://t.co/wwsfkkQ3Wh

— Jĕțhã řäm $ïýåğ (@JETHARA76017915) November 21, 2022

અમેરિકામાં ઓફર કરાઈ રહી છે આવી સેવા, ભારતમાં નવો અભિગમ 
આઈ.એ.એસ. અધિકારીએ તેમના ટ્વીટમાં કહ્યું હતું કે, "આવા 'સ્ટાર્ટ-અપ' ની જરૂર કેમ છે?" જેનાથી ઈન્ટરનેટ પર મોટી ચર્ચા છેડાઈ છે. એક યુઝરે કહ્યું કે આ પ્રકારની અંતિમવિધિની સેવા અમેરિકામાં પણ ઉપલબ્ધ છે. ભારત માટે આ ખ્યાલ નવો લાગે છે, તેથી જ લોકો આશ્ચર્યચકિત છે.