લાભ / રૂ.149માં મેળવો વાર્ષિક ઇન્સ્યોરન્સ, જાણી લો તમારા માટે કેટલી ફાયદાકારક આ પોલિસી? 

• ફોન પે પર ટર્મ લાઇફ ઇન્સ્યોરન્સ 
• 1થી 20 લાખ સુધીનો ફાયદો 
• ડિજીટલ પોલિસીની શરૂઆત 

ફોન પેના આ ખાસ ટર્મ ઇન્સ્યોરન્સ પ્લાનને લઇને તમારા મનમાં ઘણા સવાલ હશે, દરેક પ્રશ્નના જવાબ ખુબ જ સરળ છે. 

ફોન પે દ્વારા અપાયેલ જાણકારી અનુસાર તમે આ ટર્મ ઇન્સ્યોરન્સને મોબાઇલ ઍપ દ્વારા સરળ સ્ટેપ્સમાં જ ખરીદી શકો છો. ફોન પે ના એન્ડ્રોઇડ અને આઇઓએસ વર્ઝનમાં My money સેક્શનમાં જાઓ અને ત્યાં જઇને ટર્મ લાઇફ ઇન્સ્યોરન્સને સિલેક્ટ કરો. અહીં તમને ઇન્સ્યોરન્સ લેવાવાળા વ્યક્તિ વિશે કેટલીક બેઝીક ડિટેઇલ્સ આપવી પડશે. આમાં નોમિનીના નામ વિશે પણ પૂછપરછ થશે. જે બાદ આ પોલિસી તમે ખરીદી શકશો. 

કોણ ખરીદી શકે છે આ પોલિસી 
જો તમારી ઉંમર 18 થી 50 વચ્ચે હશે અને તમે ફોન પે સાથે 3 મહિનાથી કનેક્ટેડ હશો તો તમે આ પોલિસી ખરીદી શકશો. તમારી વાર્ષિક આવક એક લાખ કે તેનાથી વધારે હશે તો જ તમે આ પોલિસી ખરીદી શકશો. 

આ વ્યક્તિઓ નહી લઇ શકે પોલિસી 
ઇન્સ્યોરન્સ લેવાવાળા વ્યક્તિઓને કોવિડ-19, કિડની સ્ટ્રોક, કેન્સર, ડાયાબિટીસ અને હાઇપર ટેન્શન સાથે જોડાયેલી બિમારીઓ ન હોય તે જ વ્યક્તિ આ પોલીસીનો લાભ લઇ શકે છે. જો કે આ પોલિસી તમે મેડિકલ ચેકઅપની ઝંઝટ વગર જ ખરીદી શકો છો. તમારે આના માટે કોઇ પણ પ્રકારના પેપરવર્કની જરૂર નથી. 

આ પોલિસી પર તમને 1થી 20 લાખ રૂપિયા સુધીનો ઇન્સ્યોરન્સ કવર મળી રહ્યો છે. ઇન્સ્યોરન્સની રકમ તમારા પ્રિમીયમ પર નિર્ભર કરશે. જેના માટે તમારે 149 રૂપિયાનું ઓછા મા ઓછુ પ્રિમીયમ જ ભરી શકશો. જેના પર તમને 1 લાખ રૂપિયા મળશે. 20 લાખ રૂપિયાની રકમ માટે 3517 રૂપિયાનું પ્રિમીયમ ભરવું પડશે. આ પોલિસીમાં સુસાઇડ સિવાય પ્રાકૃતિક મૃત્યુ, એક્સિડેન્ટ, પ્રાકૃતિક આપદા કે કોઇ બિમારીથી મૃત્યુ પામ્યા હોવ તો ફાયદો મળશે. 

શું તમારે આ પોલિસી ખરીદવી જોઇએ? 
ઇન્સ્યોરન્સ વિશે જાણકારી રાખનારા એક્સપર્ટનું કહેવું છે કે ભારતમાં હજુ પણ લાઇફ ઇન્સ્યોરન્સની સુવિધા એક મોટી આબાદી સુધી નથી પહોંચી શકી. આ પ્રકારની સુવિધાને ડિજીટલ સ્વરૂપમાં લાવવાથી લોકો જાગૃત થશે. 

તેમણે કહ્યું કે, ઇન્સ્યોરન્સ પોલિસીની અશ્યોર્ડ રકમ વાર્ષિક કમાણીની 10 થી 12 ગણી વધારે હોવી જોઇએ. તે પ્રમાણે ઇન્સ્યોરન્સની આ રકમ ઓછી છે. ઇન્સ્યોરન્સની શરૂઆત કરનાર વ્યક્તિ માટે ફોન પેની આ ઓફર કામની હોઇ શકે છે.