ટીપ્સ / મોબાઇલમાં ચાર્જિંગ સ્પીડ ઓછી હોય તો જાણી લો આ આસાન ઉપાય, સેફટીની સાથે બેટરી પણ ફટાફટ થઇ જશે ફૂલ

• શું તમારો સ્માર્ટ ફોન સ્લો ચાર્જ થાય છે?
• ફોનને ફાસ્ટ ચાર્જ કરવા માટે અપનાવો આ ટિપ્સ
• જાણો સ્માર્ટફોનને ઝડપથી ચાર્જ કરવાની સરળ રીત

ફોનને ઝડપથી ચાર્જ કરવા માટે આટલું કરો 

જો કે, ઘણી એવી પદ્ધતિ છે, જેની મદદથી તમે તમારા ફોનને ફાસ્ટ એટલેકે ઝડપથી ચાર્જ કરી શકો છો. ખાસ કરીને તમે એક એન્ડ્રોઈડ યુઝર છો તો અમે તમારા માટે અમુક રીત લઇને આવ્યાં છે. આવો જાણીએ સ્માર્ટફોનને ઝડપથી ચાર્જ કરવાની રીત.

ફાસ્ટ ચાર્જર ખરીદો

સૌથી સરળ રીત છે કે તમે એક ફાસ્ટ ચાર્જર ખરીદો. ફાસ્ટ ચાર્જરની મદદથી તમે તમારા ફોનને ઝડપથી ચાર્જ કરી શકો છો. આ પ્રકારના ચાર્જર અને પાવર એડોપ્ટર ખરીદતા હેન્ડસેટના ચાર્જિગ સપોર્ટને ધ્યાન આવશ્ય રાખો. બધી ડિવાઈસ અલગ-અલગ ચાર્જિગ સપોર્ટની સાથે આવે છે. 

વધુ બેટરી ઉપયોગ કરનારા ફીચર્સ કરો ઑફ

સ્માર્ટ ફોનમાં અમુક એવા ફીચર હોય છે, જે બીજાની સરખામણીએ વધુ બેટરી યુઝ કરે છે. જો ચાર્જિગ વખતે તમે વાઈ-ફાઈ, બ્લૂટૂથ આ પ્રકારના બીજા ફીચર્સ ઑફ કરશો તો ફોન ઝડપથી ચાર્જ થશે. 

ઓરિજનલ કેબલનો કરો ઉપયોગ 

ફોનની સાથે બોક્સમાં મળતા ઑરિજનલ કેબલનો ઉપયોગ ચાર્જિગ માટે કરવો જોઈએ. જો તમારો ચાર્જિગ કેબલ ખરાબ થયો છે તો બ્રાન્ડના સ્ટોર પરથી નવો કેબલ ખરીદો. ઓરિજનલ કેબલના કારણે તમે એક સારી ચાર્જિગ સ્પીડ પ્રાપ્ત કરી શકો છો.