કોરોના સંકટ વચ્ચે પ્રધાનમંત્રી નરેન્દ્ર મોદી અને અમેરિકન રાષ્ટ્રપતિ જો બાઇડેન વચ્ચે સોમવારે ફોન પર વાતચીત થઇ.
પીએમ મોદી અને અમેરિકન રાષ્ટ્રપતિ વચ્ચે થઇ વાતચીત
ઑક્સિજન અને વેન્ટિલેટર અંગે થઇ વાતચીત
અમેરિકા વેન્ટિલેટર્સ અને ઇન્ય ઇક્વિપમેન્ટ પણ ભારતને આપશે
ભારતમાં કોરોનાના વધી રહેલા કેસને જોતા અમેરિકાએ તત્કાળ અમારી મદદ કરવા સંમતિ આપી છે. ત્યારે આજે પીએમ મોદી અને બાઇડેન વચ્ચે ભારતમાં કોરોના સંકટને લઇને વાત થઇ છે. આ સંકટના સમયમાં સાથ આપવા માટે પીએમ મોદીએ જો બાઇડનનો આભાર માન્યો.
પ્રધાનમંત્રી મોદી અને રાષ્ટ્રપતિ બાઇડેન વચ્ચે વેક્સિનેશન, દવાઓ અને હેલ્થકેર ઇક્વિપમેન્ટની સપ્લાઈને લઇને વાતચીત થઈ. આ દરમિયાન અમેરિકન રાષ્ટ્રપતિ બાઇડેને ભરોસો અપાવ્યો કે આ સંકટના સમયમાં અમેરિકા તેમની સાથે છે. તેમણે એમ પણ કહ્યું કે, અમેરિકા વેન્ટિલેટર્સ અને અન્ય ઇક્વિપમેન્ટ્સ પણ ભારતને આપશે. સાથે જ કોવિશીલ્ડ વેક્સિનના પ્રોડક્શન માટે કાચા માલને પણ જલ્દીથી ઉપલબ્ધ કરાવશે.
My discussion with @POTUS@JoeBiden also underscored the importance of smooth and efficient supply chains of vaccine raw materials and medicines. India-US healthcare partnership can address the global challenge of COVID-19.
પીએમ મોદીએ આને લઇને અમેરિકન રાષ્ટ્રપતિ બાઈડન અને અમેરિકાનો આભાર માન્યો હતો. પીએમ મોદીએ તેમને વેક્સિન મૈત્રી અંગે પણ જણાવ્યું. તેમણે કહ્યું કે, કોવૈક્સ અને ક્વાડ વેક્સિન ઇનિશિએટિવ દ્વારા ભારત બીજા દેશોને પણ કોરોનાની વેક્સિન ઉપલબ્ધ કરાવી રહ્યું છે. પીએમ મોદીએ અમેરિકન રાષ્ટ્રપતિને વેક્સિન અને દવાઓ બનાવવા માટે કાચા માલની જરૂરિયાતોને પૂર્ણ કરવા માટે પણ કહ્યું.
બન્ને નેતાઓ વચ્ચે એ વાત પણ થઇ કે કોરોના જેવી મહામારીથી લડવા અને વેક્સિન ડેવલપમેન્ટ માટે ભારત-અમેરિકા કેટલુ મોટી ભાગીદાર સાબિત થઇ શકે છે. પીએમ મોદી અને અમેરિકન રાષ્ટ્રપતિ વચ્ચે આ પણ નક્કી થયું કે કોરોના સંકટથી લડવા માટે બન્ને નેતાઓ સતત એક-બીજાના સંપર્કમાં રહેશે.
જ્યારે વાયરસ અમેરિકામાં કહેર વર્તાવી રહ્યો હતો તો ભારતે જ દવા મોકલી મદદ કરી હતી. પરંતુ ટીકા બાદ અમેરિકાએ નિર્ણય કર્યો કે તે ભારતનું અહેસાન ચૂકવશે. હવે પોતે અમેરિકન રાષ્ટ્રપતિ જો બાયડને કહ્યુ કે જે રીતે ભારતે સમસ્યાના સમયે તેમના દેશની મદદ કરી હતી તેમ અમે ભારતને મદદ કરીશુ.
અમેરિકન રાષ્ટ્રપતિ જો બાયડને ટ્વીટ કરી ભારતને મદદ કરવાની વાત કહી
અમેરિકન રાષ્ટ્રપતિ જો બાયડને ટ્વીટ કરી કે મહામારીની શરુઆતમાં જેમ અમારી હોસ્પિટલો ભરાઈ જવાના સમયે ભારતમાંથી મદદ મોકલવામાં આવી હતી તેમ અમે તેમની જરૂરીયાતના સમયે મદદ કરવા પ્રતિબદ્ધ છીએ.
Just as India sent assistance to the United States as our hospitals were strained early in the pandemic, we are determined to help India in its time of need. https://t.co/SzWRj0eP3y
આ પહેલા રવિવારે NSA અજીત ડોવાલે અમેરિકાના NSA જેક સુલિવન સાથે વાત કરી હતી. જ્યારબાદ અમેરિકા વેક્સિનના કાચા માલની નિકાસ પર લાગેલા પ્રતિબંધને હટાવવા તૈયાર થઇ ગયું હતું.
વ્હાઇટ હાઉસના એક ઉચ્ચ અધિકારીએ કહ્યું હતું કે, બાઈડન તંત્ર ઘાતક કોવિડ 19 લહેર વિરૂદ્ધ ભારતની જંગને મજબૂતી આપવા માટે તમામ સંસાધનો અને સામગ્રીઓને મોકલવા માટે સતત કામ કરી રહ્યું છે.