કોરોના વેક્સિન / કોરોના વેક્સિન નહીં લો તો જવું પડશે જેલમાં, આ દેશના રાષ્ટ્રપતિનું મોટું ફરમાન

• મહામારી વિરૂદ્ધ વેક્સિન સૌથી મોટુ હથિયાર
• મોટી સંખ્યામાં લોકો વેક્સિન લેવાથી બચી રહ્યા છે
• વેક્સિન લગાવવાથી ઈનકાર કરનાર લોકોને જેલ ભેગા કરી દેવામાં આવશે. 

કોરોના વાયરસ મહામારી વિરૂદ્ધ વેક્સિનને સૌથી મોટુ હથિયાર માનવામાં આવે છે અને દુનિયાભરમાં ઝડપથી વેક્સિનેશન કાર્યક્રમ કરવામાં આવી રહ્યો છે. આ વચ્ચે મોટી સંખ્યામાં લોકો વેક્સિન લેવાથી બચી રહ્યા છે પરંતુ ફિલિપીંસના રાષ્ટ્રપતિ રોડ્રિગો દુર્તેતેએ લોકોને ચેતાવણી આપીને કહ્યું છે કે વેક્સિન લગાવવાથી ઈનકાર કરનાર લોકોને જેલ ભેગા કરી દેવામાં આવશે. 

વેક્સિન નહીં લગાવનારને થશે જેલ 
એક રિપોર્ટ અનુસાર ફિલિપીંસના રાષ્ટ્રપતિ રોડ્રિગો દુર્તેતેએ કહ્યું, "જો તમે હજુ સુધી વેક્સિન નથી લીધી અને કોરોના વાયરસના વાહક છો તો લોકોની રક્ષા માટે મારે તમને જેલમાં બંધ કરવું પડશે." તેમણે કહ્યું કે ગામના નેતાઓને એ લોકોની યાદી રાખવી જોઈએ જે વેક્સિનેશનને લઈને ઈનકાર કરી રહ્યા છે. 

વધુ એક લહેર દેશ માટે થઈ શકે છે વિનાશકારી
રોડ્રિગો દુર્તેતેએ કહ્યું કે, "આ સમયે દેશ એક ગંભીર સંકટમાં છે. માટે મને ખોટી રીતે ન લેવામાં આવે. પહેલી લહેરે વાસ્તવમાં સંસાધનોને ખતમ કરી દીધા છે. તેમણે આગળ કહ્યું કે, વધુ એક લહેર દેશ માટે વિનાશકારી સાબિત થઈ શકે છે. માટે જેટલી સાવધાની રાખવામાં આવે તેટલું જ સારૂ છે. "

ફિલિપીંસમાં 13 લાખથી વધારે લોકો થઈ ચુક્યા છે સંક્રમિત 
ફિલિપીંસે કોરોના વાયરસ મહામારીના સૌથી ખરાબ ફેસમાંથી પસાર થઈ ચુક્યુ છે. અને અત્યાર સુધી 13 લાખથી વધારે  લોકો સંક્રમિત થઈ ચુક્યા છે. જ્યારે 23 હજારથી વધારે લોકો પોતાનો જીવ ગુમાવી ચુક્યા છે. વર્લ્ડોમીટરના આંકડા અનુસાર, ફિલિપીંસમાં અત્યાર સુધી 13 લાખ 64 હજાર 239 લોકો સંક્રમિત થઈ ચુક્યા છે. જેમાંથી 23 હજાર 749 લોકોના મોત થઈ ચુક્યા છે અને 12 લાખ 84 હજાર 643 લોકો સ્વસ્થ્ય થઈ ચુક્યા છે. દેશમાં કોવિડ-19ના 55 હજાર 847 એક્ટિવ કેસ હાજર છે.