પ્રેરણારૂપ / ફિલિપાઇન્સમાં નવો કાયદોઃ ગ્રેજ્યુએશનની ડિગ્રી મેળવવા વિદ્યાર્થીઓઓએ આ કરવું જ પડશે

પર્યાવરણની બાબતમાં ૨૦મી સદી ફિલિપાઇન્સ માટે એક દુઃસ્વપ્ન સાબિત થઇ. આ દરમિયાન અહીંનું વન ક્ષેત્ર ૭૦ ટકાથી ૨૦ ટકા સુધી સમેટાઇ ગયું. હવે સરકારની કોશિશ છે કે દેશને ફરી એક વાર હર્યોભર્યો બનાવવામાં આવે. આ માટે ફિલિપાઇન્સમાં નવો કાયદો બનાવાયો છે, જેમાં ગ્રેજ્યુએશન પૂરું કરંતા પહેલાં વિદ્યાર્થીઓ માટે કમસે કમ ૧૦ વૃક્ષ વાવવાં ફરજિયાત કરાયાં છે.

ફિલિપાઇન્સની મેગ્ડલો પાર્ટીના નેતા ગેરી અલેજનોની આ કાયદાને તૈયાર કરવામાં મહત્ત્વની ભૂમિકા રહી. તેનું કહેવું છે કે બધું યોગ્ય રીતે ચાલ્યું તો એક પેઢી લગભગ ૫૨૫ અબજ વૃક્ષ વાવશે. આટલાં વૃક્ષ વવાય તેમાંથી ૧૦ ટકા જીવિત રહી શકે છે એટલે કે આગામી પેઢી માટે ૫૨.૫ કરોડ વૃક્ષ ઉપલબ્ધ થશે. અલેજનોના જણાવ્યાં મુજબ ફિલિપાઇન્સમાં દર વર્ષે લગભગ એક કરોડ ૭૫ લાખ વિદ્યાર્થીઓ અલગ અલગ ડિવિઝનના ક્લાસ પાસ કરે છે.

તેમાં એક કરોડ વીસ લાખ એલિમેન્ટ્રી ક્લાસીસથી પાસ થાય છે, જ્યારે ૫૦ લાખ હાઇસ્કૂલમાંથી અને પાંચ લાખ કોલેજમાંથી ગ્રેજ્યુએટ થાય છે. આ બધાને મેળવીને જોવામાં આવે તો નવા કાયદા મુજબ દર વર્ષે ૧૭.૫ કરોડ વૃક્ષ લગાવી શકાય છે. કાયદા મુજબ વૃક્ષ એવી જગ્યાએ વાવી શકાય, જ્યાં તેમના જીવિત રહેવાની શક્યતા પ્રબળ હોય, તેમાં વન ક્ષેત્ર, સંરક્ષિત એરિયા, મિ‌િલટરી રેન્જ અને શહેરોની પસંદગીની જગ્યા સામેલ છે. વૃક્ષની પસંદગી પણ જગ્યા જોઇને કરવી જોઇએ.