ફિલિપીન્સથી આવેલા 1500 ભારતીય તબીબો સરકારી જડનીતિમાં અટવાયા છે. ફિલિપીન્સમાં MBBS કરીને આવેલા ગુજરાતી તબીબોનું વર્ષ બગડવાની ભીતિ સેવાઇ રહી છે. MCIની પરીક્ષા આપ્યા પછી એપોસ્ટાઈલ કરેલી કોપી ન આવતા તબીબો મુંઝવણમાં મુકાયા છે.
સરકારી નીતિમાં અટવાયા તબીબો
ગુજરાતના કેટલાયે તબીબોની સૌથી મોટી મુંઝવણ
10મી તારીખે દસ્તાવેજો જમા કરાવવાની એજન્સીની જીદ
વિદેશમાંથી MBBS કરીને આવતા તબીબોએ MCIની FMGE પરીક્ષા આપવી પડે છે. નેશનલ બોર્ડ ઓફ એક્ઝામિનેશને 10મી તારીખે એપોસ્ટાઈલ્ડ કોપી જમા કરાવવા આદેશ કર્યો છે. ચોથી ડિસેમ્બરે તબીબોએ પરીક્ષા આપી હતી અને 10મીએ કોપી જમા કરાવવાની એજન્સીએ જીદ કરી છે.
વિમાની સેવા બંધ છે તો દસ્તાવેજો ક્યાંથી આવે?
MCI વતીથી નેશનલ બોર્ડ ઓફ એક્ઝામીનેશન FMGE પરીક્ષા યોજે છે. જો તબીબો એપોસ્ટાઈલ કોપી જમા નહીં કરાવે તો તબીબોનું એક વર્ષ બગડવાની ભીતિ છે. વિમાની સેવાઓ બંધ છે ત્યારે એક્ઝામીનેશન બોર્ડ સમક્ષ દસ્તાવેજો જમા કરાવી શકે તેમ નથી.
ફિલિપીન્સ વિદેશ વિભાગ પર નિર્ભર છે તબીબો
વિદ્યાર્થીઓ સરકાર અને MCIને રજૂઆતો કરી પણ કોઈએ વાત સાંભળી નહીં. કોરોનાકાળમાં તબીબોની જરૂર સમયે સરકારી એજન્સીની બિનજરૂરી જીદથી સેવા નહીં લઈ શકાય. ફિલિપીન્સના વિદેશ વિભાગ પર આધારિત વિદ્યાર્થીઓ પોતાના દેશમાં મુંઝવણમાં મુકાયા છે. તબીબોએ એપોસ્ટાઈલ્ડ ટ્રુ કોપી દસ્તાવેજો જમા કરાવવા માટે વધુ સમયની માગ કરી છે.