દુશ્મનને આપશે જવાબ / ભારત પાસેથી ઘાતક હથિયાર ખરીદશે આ દેશ, ચીનની દાદાગીરી સામે આપશે વળતો જવાબ

• ફિલીપાઈન્સ બહ્મોસ ક્રૂઝ મિસાઈલ સિસ્ટમ ખરીદવા માટે તૈયાર
• કોરોના મહામારીને કારણે આ ડીલમાં વિલંબ થયો હતો: રિપોર્ટસ
• ભારતે 100 મિલિયન ડૉલરની લાઈન ઑફ ક્રેડિટની રજૂઆત કરી 

ડિસેમ્બર 2019થી ચાલી રહી હતી વાત

ફિલીપાઈન્સ નૌકાદળે અધિગ્રહણ પ્રક્રિયા હેઠળ આ મહિનાની શરૂઆતમાં હૈદ્રાબાદમાં બહ્મોસ એરોસ્પેસનું ઉત્પાદન એકમનો પ્રવાસ કર્યો હતો. મહત્વનું છે કે, હૈદ્રાબાદનો બહ્મોસ ઈન્ટીગ્રેશન કોમ્પલેક્ષ મિકેનિકલ સિસ્ટમ એકીકરણ અને ઈલેક્ટ્રોનિક સિસ્ટમને ભેગી કરવા માટે જવાબદાર છે. ડિસેમ્બર 2019માં એવા રિપોર્ટસ હતા કે ફિલીપાઈન્સ બહ્મોસ મિસાઈલ સિસ્ટમ ખરીદનારો પ્રથમ દેશ બનવા માટે તૈયાર છે. બંને પક્ષ 2021ની શરૂઆતમાં રાષ્ટ્રપતિ રોડ્રિગો દુતેર્તેની પ્રસ્તાવિત યાત્રા દરમ્યાન એક કરાર પર સહી કરવા માટે તૈયાર હતા. પરંતુ મહામારીને કારણે તેમાં મુશ્કેલી આવી છે. 

2025 સુધી 5 અબજ ડૉલરની સંરક્ષણ નિકાસનું લક્ષ્ય 

ભારતે સંરક્ષણ ખરીદી માટે ફિલીપાઈન્સને 100 મિલિયન ડૉલરની લાઈન ઑફ ક્રેડિટની રજૂઆત કરી હતી. ભારતે હાલ થાઈલેન્ડ, ઈન્ડોનેશિયા અને વિયતનામ સહિત ઘણાં દક્ષિણ-પૂર્વ એશિયન દેશો સાથે વાતચીત કરી રહ્યું છે. કારણકે તેમને બહ્મોસના જમીન અને દરિયા આધારિત સંસ્કરણથી વેચી શકાય છે. નવી દિલ્હીએ 2025 સુધી 5 અબજ ડૉલરની સંરક્ષણ નિકાસ પ્રાપ્ત કરવાનું મહત્વપૂર્ણ લક્ષ્ય રાખ્યું છે.  

દક્ષિણ ચીન સાગરમાં ચીનને ઘેરવાની તૈયારી

દક્ષિણ ચીન સાગરમાં ચીનની વધતી દાદાગીરીથી ફિલીપાઈન્સ સહિત દક્ષિણ પૂર્વ એશિયન દેશો પરેશાન રહ્યાં છે. તાજેતરમાં દક્ષિણ પૂર્વના એશિયન દેશોએ ચીનને જવાબ આપવાનુ વિચાર્યુ છે.