રોયલ ચેલેન્જર્સ બેંગ્લોર સામેની મેચમાં દિલ્હી કેપિટલ્સના બેટ્સમેનોએ કમાલ કરી છે. દિલ્હી કેપિટલ્સે 16.4 ઓવરમાં ટાર્ગેટ પૂરો કરી લીધો હતો.
દિલ્હી કેપિટલ્સે 16.4 ઓવરમાં ટાર્ગેટ પૂરો કર્યો.
RCB સામેની મેચમાં DCનું શાનદાર પ્રદર્શન.
આ બેટ્સમેને તમામ બોલર સામે બાઉન્ડ્રી ફટકારી છે.
દિલ્હી કેપિટલ્સ IPL 2023માં રફ્તાર પકડતી જોવા મળી રહી છે. ડેવિડ વોર્નરની કેપ્ટનશીપ ધરાવતી ટીમે ટુર્નામેન્ટમાં છેલ્લી પાંચમાં ચાર જીત મેળવી છે. રોયલ ચેલેન્જર્સ બેંગ્લોર સામેની મેચમાં દિલ્હી કેપિટલ્સના (DC vs RCB) બેટ્સમેનોએ કમાલ કરી છે. દિલ્હી કેપિટલ્સે 16.4 ઓવરમાં ટાર્ગેટ પૂરો કરી લીધો હતો. ફિલ સાલ્ટે આ જીતમાં મુખ્ય ભૂમિકા ભજવી છે.
8 ચોગ્ગા, 6 છગ્ગા
અગાઉ ગુજરાત ટાઈટન્સ સામેની મેચમાં ફિલ સાલ્ટે તૂફાની બેટીંગ કરી હતી. આ બેટ્સમેને ત્રીજી ઓવરમાં એક છગ્ગો અને એક ચોગ્ગો ફટકાર્યો હતો. 5મી ઓવરમાં આ બેટ્સમેને મોહમ્મદ સિરાજની બોલિંગ પર શાનદાર બેટીંગ કરી હતી. RCBના સફળ બોલર સિરાજના ત્રણ બોલ પર 2 છગ્ગા અને એક ચોગ્ગો ફટકાર્યો, અને માત્ર 28 બોલમાં અડધી સદી પૂરી કરી દીધી. વાનિંદુ હસરંગા, કર્ણ શર્મા, મોહમ્મદ સિરાજ સહિત તમામ બોલર સામે બાઉન્ડ્રી ફટકારી છે. 45 બોલમાં 193.33 સ્ટ્રાઈક રેટથી 87 રન ફટકાર્યા છે. આ ઈનિંગમાં 8 ચોગ્ગા અને 6 છગ્ગા શામેલ છે.
ફિલ સાલ્ટ કોણ છે?
ફિલ સાલ્ટ ઈંગ્લેન્ડના વિકેટકીપર બેટ્સમેન છે. તેમણે દિલ્હી કેપિટલ્સના ઋષભ પંતની જગ્યાએ લેવામાં આવ્યો હતો. ફિલ સાઉથ આફ્રિકાની T20 લીગ SAT20 માં દિલ્હીની ફ્રેન્ચાઈઝી પ્રિટોરિયા કેપિટલ્સ માટે રમે છે. સાલ્ટ ઈંગ્લેન્ડ માટે 14 વન ડે અને 16 T20 મેચ પણ રમી ચૂક્યા છે. વન ડેમાં તેમનો સ્ટ્રાઈક રેટ 126 અને T20માં 149નો છે.
T20 વર્લ્ડ કપ 2022 જીતનાર ઈંગ્લિશ ટીમનો હિસ્સો હતા. તેમણે સેમિફાઈનલ અને ફાઈનલ માટે પ્લેઈંગ ઈલેવનમાં જગ્યા બનાવી હતી. ગયા વર્ષે પાકિસ્તાન પ્રવાસ પર સાલ્ટે T20 મુકાબલામાં 41 બોલ પર 88 રન ફટકાર્યા હતા.