આ દુનિયામાં ઘણા પ્રકારના દ્વીપ છે. પરંતુ શું તમે આવા કોઈ ટાપુ વિશે જાણો છો જેના પર એક સાથે બે દેશોનો કબજો છે? તમને જાણીને નવાઈ લાગશે કે આ અનોખો ટાપુ દર છ મહિને પોતાનો દેશ બદલે છે. જી હા તેમને જાણીને નવાઈ લાગશે પરંતુ તે એકદમ સાચું છે.
દુનિયામાં છે ઘણા પ્રકારના દ્વીપ
પરંતુ આ ટાપુ છે એકદમ ખાસ
દર 6 મહિને બદલે છે પોતાનો દેશ
આ ધરતી પર ઘણા નાના-મોટા ટાપુઓ છે જેમાંથી કેટલાક નિર્જન છે. એટલે કે ત્યાં કોઈ માનવ વસવાટ નથી. જ્યારે કેટલાક ટાપુઓ એવા છે જ્યાં મોટી સંખ્યામાં લોકો રહે છે. પરંતુ આજે અમે તમને એવા ટાપુ વિશે જણાવવા જઈ રહ્યા છીએ જે ખૂબ જ અનોખો છે.
અનોખો એટલા માટે કારણ કે તે દર છ મહિને પોતાનો દેશ બદલે છે. જી હા આ વાત જાણીને તમને નવાઈ તો લાહશે પરંતુ આ વાત એકદમ સાચી છે. આવો જાણીએ આ ટાપુ વિશે રસપ્રદ વાતો...
બે દેશો 6-6 મહિના કરે છે રાજ
આ ટાપુનું નામ છે ફિઝન્ટ આઇલેન્ડ. તેને ફાસેન્સ દ્વીપના નામથી પણ ઓળખવામાં આવે છે. આ દુનિયાનો એકમાત્ર એવો ટાપુ છે. જે એક સાથે બે દેશોના કબજામાં છે અને બંને દેશો 6-6 મહિના સુધી તેના પર રાજ કરે છે.
આ જગ્યા પર આવેલો છે ટાપુ
આ ટાપુ ફ્રાન્સ અને સ્પેનની વચ્ચે છે. તમને જાણીને નવાઈ લાગશે કે આ ટાપુને લઈને બંને દેશો વચ્ચે કોઈ ઝઘડો નથી પરંતુ તેની અદલા બદલીમાં બન્ને દેશોની મંજૂરી છે અને આ મંજૂરી આજે નહીં પરંતુ 350 વર્ષ પહેલાની છે.
બન્ને દેશો વચ્ચે શાંતિ કરાર
વર્ષ 1659 માં આ ટાપુની અદલા બદલીને લઈને ફ્રાન્સ અને સ્પેન બંને વચ્ચે શાંતિ કરાર થયો હતો. જેને પાઈન્સ સંધિ તરીકે ઓળખવામાં આવે છે. તેના કબજાને લઈને બંને દેશો વચ્ચે ઘણી લડાઈ થઈ ચુકી છે.
રિપોર્ટ્સ અનુસાર આ 200 મીટર લાંબો અને 40 મીટર પહોળો ટાપુ 1 ઓગસ્ટથી 31 જાન્યુઆરી સુધી ફ્રેન્ચ કબજા હેઠળ રહે છે, જ્યારે 1 ફેબ્રુઆરીથી 31 જુલાઈ સુધી તે સ્પેન હેઠળ રહે છે.