2021-22નું શૈક્ષણિક સત્ર શરૂ નથી થયુ તે પહેલા જ એક નવો નિયમ આવી ગયો છે. હવે કોલેજમાં ભરતી માટે NET સિવાય ph.Dની ડિગ્રી ફરજીયાત કરી દેવામાં આવી છે.
2021થી ph.Dની ડિગ્રી ફરજીયાત
કોલેજમાં ph.Dની ડિગ્રી વગર નહી મળે નોકરી
2018માં થઇ હતી આ જાહેરાત
પહેલા શું હતા માપદંડ
2018માં આવેલો આ નિયમ આ વર્ષથી જ લાગૂ કરી દેવામાં આવશે. પહેલા ph.D, NET કે માસ્ટર્સ ડિગ્રી સાથે યોગ્યતા ધરાવનાર ઉમેદવારને કોલેજમાં આસિસ્ટન્ટ પ્રોફેસર કે પ્રોફેસર તરીકે સિલેક્ટ કરી લેવામાં આવતા હતા.
આસિસ્ટન્ટ પ્રોફેસરના સિલેક્શન દરમિયાન નેટ પાસ કરેલા ઉમેદવારોને 5 થી 10 અંકનું વેટેજ આપવામાં આવતું હતુ, જ્યારે ph.D થયેલા ઉમેદવારોને 30 અંકનું વેટેજ આપવામાં આવતુ હતુ. હવે નિયમો બદલાઇ ગયા છે.
2018માં UGCમાં આ નવા નિયમોની ઘોષણા પ્રકાશ જાવડેકર દ્વારા કરવામાં આવી હતી. વિશ્વવિદ્યાલયોમાં નવી ભરતી માટે માત્ર ph.D ધારકોની જ થશે. 3 વર્ષનો સમય આપવામાં આવ્યો છે માટે 2021માં આસિસ્ટન્ટ પ્રોફેસરની ભરતી માટે ph.Dની ડિગ્રી ફરજીયાત કરવામાં આવી છે.