પ્રથમ તબક્કા માટે ગુરૂવારના રોજ 20 રાજ્યની 91 બેઠક માટે 66 ટકા મતદાન થયું હોવાના અહેવાલ પ્રાપ્ત થયા છે. દેશમાં ઘણી જગ્યાએ મતદાતાઓની લાંબી કતાર જોવા મળી. 2014માં આ 91 બેઠકો પર અંદાજે 72 ટકા મતદાન થયું હતું. ચૂંટણી આયોગના જણાવ્યા અનુસાર મતદાનની ટકાવારી 2014 લોકસભા ચૂંટણીની બરાબર રહી છે.
લોકસભા ચૂંટણીમાં પ્રથમ તબક્કા માટે ગુરૂવારના રોજ 20 રાજ્યની 91 બેઠક માટે 66 ટકા મતદાન થયું હોવાના અહેવાલ પ્રાપ્ત થયા છે. દેશમાં ઘણી જગ્યાએ મતદાતાઓની લાંબી કતાર જોવા મળી. 2014માં આ 91 બેઠકો પર અંદાજે 72 ટકા મતદાન થયું હતું. ચૂંટણી આયોગના જણાવ્યા અનુસાર મતદાનની ટકાવારી 2014 લોકસભા ચૂંટણીની બરાબર રહી છે.
પ્રારંભિક સમયે 2014ની સરખામણીએ ઓછુ મતદાન થયું હોવાનું દેખાઇ રહ્યું છે, કારણ કે ચૂંટણી આયોગે કેટલાક રાજ્યમાં 5 વાગ્યા સુધી સમય આપ્યો છે. ત્રિપુરા અને પશ્ચિમ બંગાળમાં સૌથી વધારે 81.8 અને 80 ટકા મતદાન થયું. આંધ્ર પ્રદેશમાં અડધી રાત સુધી મતદાન યોજાયું.
જમ્મૂ-કાશ્મીરમાં રેકોર્ડ મતદાન થયું. જમ્મૂમાં જ્યાં 72 ટકા મતદાન થયું, જ્યારે આતંકી પ્રભાવિત બારામુલા જિલ્લામાં 35 ટકા મતદાન થયું. 2014માં અહીં 38.5 ટકા મતદાન થયું હતું. 10 રાજ્ય અને કેન્દ્ર શાસિત પ્રદેશ માટે 11 એપ્રિલે મતદાન થઇ ગયું છે. જ્યારે આંધ્ર પ્રદેશ અને અરૂણાચલ પ્રદેશમાં વિધાનસભા ચૂંટણી માટે મતદાન યોજાઇ ગયું છે.
જ્યારે ઓડિસા વિધાનસભામાં પ્રથમ તબક્કાનું મતદાન થયું. આ પ્રથમ લોકસભા ચૂંટણી હતી જેમાં 100 ટકા વીવીપેટનો ઉપયોગ કરવામાં આવ્યો હતો. 2014માં ચાર ટકા મતદાન વધ્યું હતું ત્યારે 10 રાજ્યની 56 બેઠકમાં ભાજપને 9 બેઠકનો ફાયદો થયો હતો, જ્યારે કોંગ્રેસને 37 બેઠક પર નુકસાન થયું હતું.
2014માં ચાર ટકા મતદાન વધતાં ભાજપ એવી બેઠક પર જીત મેળવી શકી હતી જ્યાં અત્યારસુધી કોઇ સાંસદ નહોતો. 2019ની લોકસભાની ચૂંટણીના પ્રથમ તબક્કામાં છૂટી-છવાઇ હિંસાની ઘટના સામે આવી.
મુખ્ય વાતઃ
- ગુરૂવારે યોજાયેલ 20 રાજ્યની 91 બેઠક પર 66 ટકા મતદાન થયું
- ત્રિપુરા અને પશ્ચિમ બંગાળમાં સૌથી વધારે 81.8 અને 80 ટકા મતદાન
- જમ્મૂમાં જ્યાં 72 ટકા મતદાન થયું ત્યારે આતંકથી પ્રભાવિત બારામૂલામાં 35 ટકા મતદાન થયું
- આ પ્રથમ લોકસભા ચૂંટણી હતી જેમાં 100 ટકા વીવીપેટનો ઉપયોગ કરાયો