ડિપ્લોમા ફાર્મસી લઈ ઘેર બેઠા જ વહીવટ કરી લાયસન્સ લઈ લેતા ફાર્મસિસ્ટને લઈ બદલાયા નિયમો, હવે પરીક્ષાના ત્રણેય પેપરમાં 50 માર્કસ સાથે પાસ થવું ફરજિયાત, 24 ફેબ્રુઆરીથી નિયમ લાગુ
ફાર્મસી કાઉન્સિલ લાઇસન્સના નિયમો બદલાયા
D.Pharm માટે રજીસ્ટ્રેશન મેળવવા પરીક્ષા ફરજિયાત
ત્રણ પેપરમાં 50 ટકા માર્કસ આવશે તો જ લાઇસન્સ
ફાર્મસી કાઉન્સિલના લાઇસન્સને લઈને નિયમો બદલાયા છે.હવેથી D.Pharm માટે કાઉન્સિલમાં રજીસ્ટ્રેશન મેળવવા માટે એક્ઝિટ એક્ઝામ ફરજિયાત કરી દેવામાં આવી છે...આ એક્ઝિટ એક્ઝામમાં ત્રણ પેપર લેવામાં આવશે.ત્રણેય પેપરમાં 50 ટકા માર્કસ આવશે તો જ ફાર્મસી કાઉન્સિલનું લાઇસન્સ મળશે.તથા આ ફાર્મસી કાઉન્સિલની એક્ઝિટ એક્ઝામ વર્ષમાં બે વાર લેવામાં આવશે.ઉલ્લેખનીય છે કે હાજરી લીધા વિના બારોબાર ડિગ્રી આપતી કોલેજોને અટકાવવા માટે ફાર્મસી કાઉન્સિલ દ્વારા આ નિર્ણય લેવામાં આવ્યો છે.
ફાર્મસી કાઉન્સિલની એક્સિટ એક્ઝામ વર્ષમાં બે વાર લેવામાં આવશે
હાજરી લીધા વિના ડિગ્રી આપતી કોલેજને અટકાવવા માટે લેવાયો નિર્ણય
D.Pharm માટે કાઉન્સિલમાં રજીસ્ટ્રેશન મેળવવા પરીક્ષા પાસ કરવી પડશે
કેમ આ નિર્ણય લેવામાં આવ્યો?
ડૉ.મોન્ટુ કુમાર પટેલ -મેમ્બર,ફાર્મસી કાઉન્સિલ ઓફ ઇન્ડિયાના જણાવ્યા અનુસાર ડિપ્લોમા ફાર્મસી કરી જે લોકો આવે છે, જે કોલેજો નોન એટેન્ડીંગ એટલે કે ઘેરે બેઠા ડિગ્રીઓ આપી રહી છે. આ ગેરવહીવટને અટકાવવા માટે ફાર્મસી કાઉન્સિલ દ્વારા આ નિર્ણય લેવામાં આવ્યો છે. આ નિર્ણય 2017માં જ્યારે ગુજરાત ફાર્મસી કાઉન્સિલની બેઠક મળી હતી ત્યારે લેવાયો હતો પણ અમલવારી 2022થી શરૂ કરવામાં આવી છે. 24 ફેબ્રુઆરીએ ભારત સરકાર દ્વારા આ નિયમ લાગુ કરવામાં આવ્યો છે. આ નિયમથી ઘેરે બેઠા જે ડિગ્રીઓ 3 4 લાખ આપીને લઈ આવતા હતા તેના પર બ્રેક લાગશે. રાજસ્થાન, પંજાબ અને બેગલોરથી ડિગ્રી લઈને પણ લોકો આવતા હતા. જેમાં આધેડ વયના લોકો પણ સામેલ હતા. આ નિર્ણયથી ફાર્મસીની વ્યવસ્થા સુઘડ અને સુદ્રઢ બનેશે જેનો ફાયદો દરેકને મળશે.