ધર્મ / સોમવતી અમાસ પર બે શુભ યોગ: ભોલેનાથના ભક્તોને પિતૃદોષથી મળશે છૂટકારો, જાણો કઈ રીતે

• આ વખતે સોમવતી અમાસ ઘણી દ્રષ્ટિએ ખાસ
• સોમવતી અમાસ પર બની રહ્યાં છે બે શુભ યોગ
• પવિત્ર નદીઓમાં સ્નાન કર્યા બાદ દાન કરવાથી પુણ્ય મળે છે 

હિન્દુ ધર્મમાં સોમવતી અમાસનુ વધુ મહત્વ

હિન્દુ ધર્મમાં સોમવતી અમાસનુ વધુ મહત્વ છે. આ પર્વ ફાગણ મહિનાના કૃષ્ણ પક્ષની અમાસની તિથિએ આવે છે. આ વખતે સોમવતી અમાસ ઘણી દ્રષ્ટિએ ખાસ છે. આ વખતે આ સોમવારે છે. બીજુ કે આ દિવસે 2 શુભ યોગ પણ બની રહ્યાં છે. એવી માન્યતા છે કે આ દિવસે પવિત્ર નદીઓમાં સ્નાન કર્યા બાદ દાન કરવાથી પુણ્ય પ્રાપ્ત થાય છે અને જીવનના બધા પાપ નષ્ટ થાય છે. આ દિવસે પરિણીત મહિલાઓ તેના પતિના લાંબા આયુષ્ય માટે પણ વ્રત રાખે છે. 

તિથિ 

સોમવતી અમાસે ભગવાન શિવ, માતા પાર્વતી અને પીપળાના વૃક્ષની પૂજા કરવામાં આવે છે. એવી માન્યતા છે કે આ દિવસે પીપળાના વૃક્ષની પૂજા કરવાથી પિતૃ દોષમાંથી મુક્તિ મળે છે. આ દિવસે પિતૃઓને તર્પણ કરવુ જોઈએ. જેનાથી પિતૃ વધુ પ્રસન્ન થઇને આશીર્વાદ આપે છે. આ વખતે અમાસ તિથિ 19 ફેબ્રુઆરી રવિવારે સાંજે 4 વાગ્યાથી 18 મિનિટથી લઇને 20 ફેબ્રુઆરી બપોરે 12 વાગ્યેને 35 મિનિટ સુધી રહેશે. એવામાં ઉદયતિથિ મુજબ, 20 ફેબ્રુઆરીએ સોમવતી અમાસ મનાવવામાં આવશે.

શુભયોગ

આ વખતે સોમવતી અમાસના દિવસે બે શુભ યોગ બની રહ્યાં છે. 20 ફેબ્રુઆરીએ પરિઘ યોગ સવારે 11 વાગ્યેને 3 મિનિટ સુધી રહેશે. ત્યારબાદ શિવ યોગની શરૂઆત થશે. આ દિવસે સવારે 6 વાગ્યેને 56 મિનિટથી લઇને 8 વાગ્યેને 20 મિનિટ સુધી અમૃત સર્વોત્તમ મુહૂર્ત છે. ત્યારબાદ સવારે 9 વાગ્યેને 45 મિનિટથી સવારે 11 વાગ્યેને 10 મિનિટ સુધી શુભ ઉત્તમ મુહૂર્ત રહેશે.