રાહતના સમાચાર / સારા સમાચાર : જુલાઈથી મળી શકે છે ફાઈઝરની રસી, જાણો ક્યારે કેટલો જથ્થો આવશે

•  ફાઈઝર જુલાઈથી ઓક્ટોબરની વચ્ચે 5 કરોડ ડોઝ ભારતને આપશે
• ફાઈઝરે રસીની શક્ય આડઅસરને લઈને સંરક્ષણની માંગ કરી 
• રોજના 15-20 લાખ રસી લાગી રહી છે

 ફાઈઝર જુલાઈથી ઓક્ટોબરની વચ્ચે 5 કરોડ ડોઝ ભારતને આપશે

નીતિ આયોગના સભ્ય ડો. વી. કે. પોલે કહ્યુ કે ફાઈઝર સાથે વાતચીત ચાલી રહી છે અને તેમને સંકેત આપ્યા છે કે તે ભારત માટે રસી ઉપલબ્ધ કરાવશે. આનાથી તે સમાચારોને બળ મળશે જે ફાઈઝરે જુલાઈથી ઓક્ટોબરની વચ્ચે 5 કરોડ ડોઝ ભારતને આપવાની વાત કરવામાં આવી હતી. 

ફાઈઝરે રસીની શક્ય આડઅસરને લઈને સંરક્ષણની માંગ કરી 

વી. કે. પોલે ગુરુવારે પ્રેસ  કોન્ફ્રેન્સ દરમિયાન કહ્યુ કે ફાઈઝરની સાથે વાતચીત ચાલી રહી છે. તેમણે કહ્યુ કે ફાઈઝરે રસીની શક્ય આડઅસરને લઈને સંરક્ષણની માંગ કરી હતી. જેના પર ભારત સરકાર વિચાર કરી રહી છે. તથા જલ્દી આ અંગે નિર્ણય લેવામાં આવશે. તેમણે કહ્યું આ પ્રકારની છુટ ફાઈઝરે અમેરિકા સહિત તે તમામ દેશોમાં માંગી હતી. જ્યાં રસીનો સ્પ્લાય કર્યો છે.

રોજના 15-20 લાખ રસી લાગી રહી છે

પોલે કહ્યુ કે આ મુદ્દાના સમાધાન બાદ ફાઈઝરની જુલાઈમાં રસીનો સપ્લાય શરુ થઈ શકે છે. જો ફાઈઝરની રસી ભારતને મળે છે તો આ કોરોનાના રસીકરણ કાર્યક્રમાં શામિલ થનારી ચોથી રસી હશે. હાલ કોવૈક્સીન, કોવિશીલ્ડ તથા સ્પૂતનિક રસીના ઉપયોગ કરવામાં આવી રહ્યો છે. દેશમાં રસીની ઉપલબ્ધતા ઓછી હોવાના કારણે રોજના 15-20 લાખ રસી લાગી રહી છે. જ્યારે આ પહેલા આ આંકડો 30 લાખ ઉપર હતો.

કંપની ક્ષતિપૂર્તિ સહિત કેટલાક નિયામકીય શરતોમાં મોટી છુટ ઈચ્છે છે

ઉલ્લેખનીય છે કે ગત દિવસોમાં અમેરિકન કંપની ફાઈઝરે કહ્યુ હતુ કે તે 2021માં 5 કરોડ રસી ઉપલબ્ધ કરાવવા તૈયાર છે. પણ તે ક્ષતિપૂર્તિ સહિત કેટલાક નિયામકીય શરતોમાં મોટી છુટ ઈચ્છે છે. આ અમેરિકન કંપનીએ 5 કરોડ રસી આ  વર્ષે ઉપલબ્ધ કરાવવાના સંકેત આપ્યા છે. જેમાં એક કરોડ રસી જુલાઈમાં એક કરો ઓગસ્ટ અને 2 કરોડ સપ્ટેમ્બર તથા 1 કરોડ ઓક્ટોબરમાં ઉપલબ્ધ કરાવવામાં આવશે. કંપનીએ કહ્યુ છે કે તે ફક્ત ભારત સરકાર સાથએ વાત કરશે અને રસીની ચૂકવણી ભારત સરકાર દ્વારા ફાઈઝર ઈન્ડિયાને કરવાની રહેશે.