ઓમિક્રોનના આગમન બાદ વેક્સિનની અસરકારકતા અંગે જાતજાતના દાવા થઈ રહ્યાં છે. ઓમિક્રોનની સામે વેક્સિન કારગર હોવાનું ડબલ્યુએચઓ જણાવી ચૂકી છે. પરંતુ હવે ઓમિક્રોનની સામે વધુ એક હથિયાર દુનિયાને મળ્યું છે. અમેરિકી ડ્રગ નિર્માતા કંપની ફાઈઝરે જણાવ્યું કે કંપનીએ ઓમિક્રોન સામે 90 ટકા કારગર નીવડતી એક ગોળી બનાવી છે, કંપનીનું કહેવું છે કે તેની આ દવા ઉચ્ચ જોખમ ધરાવતા દર્દીઓને મોત કે હોસ્પિટલમાં ભરતી થતા અટકાવી શકે છે. આ દવા કોરોનાના નવા ઓમિક્રોન વેરિયન્ટની સામે પણ કારગર થઈ છે.
આ લોકો પર કરાઈ ફાઈઝર દવાની ટ્રાયલ
ઓમિક્રોન સામે લડવા માટે ફાઈઝરે Paxlovid નામની દવા બનાવી છે જે દિવસમાં બે વાર લઈ શકાય છે અને ઓમિક્રોનની બચી શકાય છે. ફાઈઝરે એક નિવેદન બહાર પાડીને જણાવ્યું કે તેની આ દવાની 1219 લોકો પર ટ્રાયલ કરાઈ હતી. આ લોકોમાં મોટાભાગના લોકો મેદસ્વિતા, ગંભીર બીમારથી પીડિત અથવા મોટી ઉંમરના લોકો હતા.
95 દેશોમાં થઈ શકશે ફાઈઝરની દવાનો ઉપયોગ
ફાઈઝરે એવું જણાવ્યું કે કંપની વાયરસ વિરોધી દવા માટે જિનિવા સ્થિત મેડિસિન્સ પેટન્ટ પૂલને લાઈસન્સ આપશે જે જેનેરિક દવા નિર્માતા કંપનીઓને દવાનું ઉત્પાદન કરવા દેશે. આને કારણે દુનિયાના 95 દેશો આ દવાનો ઉપયોગ કરી શકશે.
ઓમિક્રોન વેરિઅન્ટનો વિશ્વમાં દાવાનળની જેમ ફેલાવો
કોરોના વાયરસનું ઓમિક્રોન વેરિઅન્ટ વિશ્વમાં દાવાનળની જેમ ફેલાઈ રહ્યું છે. નિષ્ણાતો કહે છે કે લક્ષણો હળવા હોવા છતાં પણ મોટી સંખ્યામાં લોકો સંક્રમિત થઈ શકે છે અને તેમને હોસ્પિટલમાં જવું પડે છે. આમાં ઘણા લોકો પોતાનો જીવ પણ ગુમાવી શકે છે. નિષ્ણાતોએ આ ચેતવણી એવા સમયે આપી છે કે ઓમિક્રોનના કારણે બ્રિટનમાં 1 વ્યક્તિનું મોત થયું છે અને 10 લોકો હોસ્પિટલ પહોંચ્યા છે.આરોગ્ય સંસ્થાએ ગયા અઠવાડિયે કહ્યું હતું કે, "તે દક્ષિણ આફ્રિકામાં ડેલ્ટા વેરિઅન્ટ કરતાં વધુ ઝડપથી ફેલાઈ રહી છે, જ્યાં ડેલ્ટાનો વ્યાપ હજુ પણ ઓછો છે." એટલું જ નહીં, ઓમિક્રોન વેરિઅન્ટ વિશ્વના તે દેશોમાં પણ ઝડપથી ફેલાઈ રહ્યો છે જ્યાં ડેલ્ટા વેરિઅન્ટ વ્યાપકપણે ફેલાયેલો છે. જેમાં બ્રિટન જેવા દેશોનો પણ સમાવેશ થાય છે. ડબ્લ્યુએચઓએ કહ્યું કે જો આપણે ઉપલબ્ધ ડેટા પર નજર કરીએ તો, એવી દરેક સંભાવના છે કે જ્યાંથી સમુદાય ચેપ શરૂ થયો છે.