રાહતના સમાચાર / કિશોરોમાં 4 મહિના બાદ 100 ટકા અસરકારક સાબિત થઈ આ રસી, નવા રિસર્ચમાં થયો ખુલાસો

• બન્ને ડોઝ લીધાના 4 મહિના બાદ કિશોરોમાં 100 ટકા અસરકારક છે આ રસી
• નવા ડેટા રસીને અમેરિકા અને દુનિયામાં ફુલ અપ્રૂવલમાં મદદ કરશે
• 2000 લોકો પર કરવામાં આવ્યો અભ્યાસ

 બન્ને ડોઝ લીધાના 4 મહિના બાદ કિશોરોમાં 100 ટકા અસરકારક છે આ રસી

અમેરિકન ફાર્મા કંપની ફાયઝરે દાવો કર્યો છે તે તેમની  કોરોના રસીના બન્ને ડોઝ લેવાના 4 મહિના બાદ કિશોરોમાં 100 ટકા અસરકારકતા જોવ મળી છે. આ કોરોના રસી ફાયઝરે જર્મન ફાર્મા કંપની બાયોએનટેકની સાથે મળીને બનાવી છે. બન્ને કંપનીઓને જોઈન્ટ સ્ટેટમેન્ટમાં કહેવામાં આવ્યું છે કે તેમણે આ દાવો 12થી 15 ઉંમરના બાળકો માટે કર્યો છે.

નવા ડેટા રસીને અમેરિકા અને દુનિયામાં ફુલ અપ્રૂવલમાં મદદ કરશે

કંપનીઓએ કહ્યું છે કે નવા ડેટા તેમની રસીને અમેરિકા અને દુનિયામાં ફુલ અપ્રૂવલમાં મદદ કરશે. આ ટ્રાયલમાં 2228 બાળકોએ ભાગ લીધો હતો.  કંપનીઓએ એમ પણ કહ્યું છે કે રસી લીધા બાદ કોઈ પણ ગંભીર સાઈડ ઈફેક્ટ સામે નથી આવી.

રસીની સ્પીડ ધીમી પડી

ફાઈઝરના સીઈઓ અલ્બર્ટ બોર્લોએ સ્ટેટમેન્ટમાં કહ્યું છે કે વૈશ્વિક સમુદાય આ સમયે કોરોના રસીકરણની સંખ્યા વધારવાના પ્રયાસમાં લાગેલા છે. તેવામાં તાજા ડેટા અમાકી રસીના બાળકોમાં પ્રભાવ અને સુરક્ષા અંગે સ્પષ્ટ રુપથી જણાવે છે.  આ ડેટા એટલા માટે મહત્વનો છે કેમ કે આ સમયે કેટલીક જગ્યા પર કોરોનાના મામલા તેજી આવી છે અને રસીની સ્પીડ ધીમી પડી છે.

મે મહિનામાં આપવામાં આવી હતી ઈમરજન્સી મંજૂરી

ઉલ્લેખનીય છે કે અમેરિકામાં ફાયઝરની રસીને 12થી 15 વર્ષના બાળકોને આપવા માટે ઈમરજન્સી મંજૂરી ગત મે મહીનામાં આપવામાં આવી હતી. હવે કંપનીઓ કુલ અપ્રૂવલની તૈયારી કરી રહી છે. રસી આ સમયે ફક્ત 16થી વધારે ઉંમરના લોકોમાં સંપૂર્ણ રીતે અપ્રૂવ છે.

2000 લોકો પર કરવામાં આવ્યો અભ્યાસ

2000થી વધારે અમિરકન વોલેન્ટિયર્સ પર કરવામાં આવેલા ટ્રાયલના આધાર પર ફૂડ એન્ડ ડ્રગ્સ એડમિનિસ્ટ્રેશને કહ્યુ હતુ કે ફાયઝર રસી સુરક્ષિત છે અને 12થી 15 વર્ષના કિશોરો માટે મજબૂત સુરક્ષા આપે છે. હાલમાં ફાયઝરે કોરોનાની વિરુદ્ધ એન્ટીવાયરલ ડ્રગ્સ બનાવવાનો દાવો કર્યો છે. કંપનીનો દાવો છે કે તેમની ગોળી ગંભીર દર્દીને હોસ્પિટલમાં દાખલ થવા અને મોતના રિસ્કને ઓછું કરે છે.