ફાઈઝરની કોરોના વેક્સિન 5 થી11 વર્ષના બાળકો માટે અત્યંત સુરક્ષિત હોવાનો કંપનીએ ક્લિનિકલ રિઝલ્ટના આધારે દાવો કર્યો છે.
ફાઈઝર બાળકો માટેની તેની કોરોના વેક્સિન પર કરી મોટી જાહેરાત
કહ્યું, 5 થી 11 વર્ષના બાળકો માટે અમારી વેક્સિન સંપૂર્ણ સુરક્ષિત
ક્લિનિકલ ટ્રાયલ રિપોર્ટને આધારે કંપનીએ કર્યો દાવો
Pfizer અને BioNTech એ જણાવ્યું કે ક્લિનિકલ ટ્રાયલ રિઝલ્ટથી જાણકારી મળી છે તેની કોરોના વેક્સિન 5 થી 11 વર્ષના બાળકો માટે સંપૂર્ણપણે સુરક્ષિત છે અને તેનાથી બાળકોની ઈમ્યુનિટી વધી છે કંપનીઓએ જણાવ્યું કે કંપની આગામી થોડા સમયમાં મંજૂરી માગશે.
ટૂંક સમયમાં મંજૂરી માંગશે કંપની
કંપની દ્વારા જારી એક નિવેદનમાં કહેવાયું કે 12 વર્ષ અથવા તેનાથી વધારે ઉંમરની તુલનામાં આ વેક્સિનની ઓછી ડોઝ બાળકોને આપવામાં આવશે. કંપની યુરોપિયન યુનિયન, અમેરિકા અને વિશ્વમાં ટૂંક સમયમાં તેના ઉપલબ્ધ કરાવશે.
અમેરિકાની દિગ્ગજ કંપની ફાઈઝર અને તેની સહયોગી કંપની બાયોએનટેકે જણાવ્યું કે પાંચથી 11 વર્ષના બાળકોની ટ્રાયલ પરથી જાણકારી મળી છે કે ફાઈઝરની વેક્સિન એકદમ સુરક્ષિત છે અને સારા પરિણામો આપે છે અને એન્ટીબોડી પણ સારી આપે છે.
5 થી 11 વર્ષના બાળકો માટે ફાઈઝરની વેક્સિન પહેલી બનશે
હાલમાં 12 વર્ષથી મોટી ઉંમરના લોકો માટે મોડર્ના વેક્સિનની ટ્રાયલ ચાલી રહી છે પરંતુ 5 થી 11 વર્ષના બાળકો માટેની ફાઈઝરની વેક્સિન પહેલી વિદેશી વેક્સિન છે.
ફાઈઝરના સીઈઓ આલ્બર્ટ બૌર્લાએ જણાવ્યું કે અમે 5 થી 11 વર્ષના બાળકોને કોરોનાથી સુરક્ષિત બનાવવા આતુર છીએ. જુલાઈ પછી અમેરિકામાં બાળકોના કોરોના કેસોમાં 240 ગણો વધારો થયો છે.