અમેરિકાની દિગ્ગજ ફાર્મા કંપની ફાઈઝર અને જર્મન પાર્ટનર બાયોએનટેકે બુધવારે અંતિમ પરિણામ જાહેર કર્યા અને તેમાં કહેવાયું છે કે 65 વર્ષથી ઉપરના લોકોમાં પણ તેમની કોરોના વેક્સીન 94 ટકા સુધી પ્રભાવી રહી છે જ્યારે અન્ય લોકો પર તે 95 ટકાથી વધુ અસરકારક રહી છે.
અમેરિકાની ફાર્મા કંપની ફાઈઝરનો દાવો
વેક્સીન 95 ટકાથી પણ વધુ સકારાત્મક પરિણામ આપશે
65 વર્ષથી ઉપરના લોકો માટે વધુ અસરકારક
કોરોના વેક્સીનને લઈને ફાઈઝરે કહ્યું કે 65 વર્ષથી ઉપરના લોકોમાં કોરોના વેક્સીન 94 ટકા સફળ રહી છે. આ કોરોના વેક્સીન ફાઈઝર અને બાયોએનટેક દ્વારા બનાવવામાં આવી છે જે 65 વર્ષથી ઉપરના લોકોમાં 94 ટકા સુધી અસરકાક જોવા મળી રહી છે.
કંપનીએ જાહેર કર્યું નવું પરિણામ
ફાઈઝર અને જર્મન પાર્ટનર બાયોએનટેકે આજે અંતરિમ પરિણમાની એક અન્ય બૈચ જાહેર કરી છે જેમાં દાવો કરાયો છે કે કોરોનાની વેક્સીન 95 ટકા સુધી અસરકારક છે. આ ખાસ કરીને વૃદ્ધોને કોરોનાનો શિકાર થતા અટકાવે છે. કંપનીએ કહ્યું કે પ્રાથમિક તપાસમાં જાણવા મળ્યું છે કે એક ડોઝ આપ્યાના 28 દિવસમાં વેક્સીન તેની અસર દેખાડશે. ટ્રાયલમાં 170 દર્દીઓ પર પરીક્ષણ કરાયું હતું.
દરેક પ્રકારના લોકો પર સારી રીતે કામ કરશે આ વેક્સીન
ફાઈઝર અને બાયોએનટેકની તરફથી ત્રીજા ટ્રાયલમાં જાહેર કરાયેલા આંકડાથી ખ્યાલ આવે છે કે વેક્સીન દરેક સમુદાયના લોકો પર સમાન રીતે સારી રીતે કામ કરે છે. કંપનીનું કહેવું છે કે હવે અમેરિકામાં આપાતકાલીન ઉપયોગ માટે ફૂડ એન્ડ ડ્રગ એડમિનિસ્ટ્રેશનની પરમિશન લઈને આવેદન કરાશે.
ફાઈઝર અને બાયોએનટેકે વેક્સીન બનાવવા માટે એમઆરએનએ ટેકનિકનો પ્રયોગ કર્યો છે. જેના કારણે વેક્સીનના શોટ લેવાથી કોરોના થવાનું જોખમ રહેશે નહીં.