અધ્યયન / કોરોનાના ડેલ્ટા વેરિએન્ટની સામે આ બે રસી આપે છે સુરક્ષા, સ્ટડીમાં કરાયો દાવો

• આ રસી કોરોનાની સામે એન્ટીબોડી તૈયાર કરી શકે છે
• ડેલ્ટા આલ્ફા સ્વરુપથી લગભગ 60 ટકા વધારે સંક્રમિત
• તમામ વિસ્તારોમાં ડેલ્ટાના મામલામાં વૃદ્ધિ દર ઉંચો

આ રસી કોરોનાની સામે એન્ટીબોડી તૈયાર કરી શકે છે

ભારતમાં પહેલી વાર જોવા મળેવા ડેલ્ટા વેરિએન્ટથી હોસ્પિટલમાં દાખલ થનારાની સંખ્યા ઘણી વધારે હતી. અનુસંધાનકર્તાઓનું કહેવું છે કે ફાઈઝર- બાયોએનટેક અને એસ્ટ્રાજેનેકાના કોરોના વાયરસની રસી ડેલ્ટા વેરિએન્ટની વિરુદ્ધ અસરકારક છે. તેમણે કહ્યું કે સ્કોટલેન્ડમાં કરવામાં આવેલા વિસ્તૃત અધ્યયમાં જોવા મળ્યું કે ફાઈઝર બાયોએનટેક રસી શરીરમાં કોરોનાની સામે લડવા માટે એન્ટીબોડી તૈયાર કરી શકે છે.

ડેલ્ટા વેરિએન્ટના કારણે લંડનમાં પ્રતિબંધો લંબાવાયા

ધ લેસેન્ટમાં પ્રકાશિત શોધ પત્રમાં પ્રસ્તુત કરવામાં આવેલ આ નિષ્કર્ષને એવા સમયે રજુ કરવામાં આવ્યુ છે જ્યારે બ્રિટન સરકારે ડેલ્ટા સ્વરુપના મામલામાં સતત વૃદ્ધિના કારણે 21 જૂન સુધી લોકડાઉન પ્રતિબંધોને હજું ચાર અઠવાડિયા માટે વધારવાનો વિચાર કરી રહી છે. જન સ્વાસ્થ્ય સ્કોટલેન્ડે કોવિડ 19ના  મામલાના નિર્દેશક જિમ મૈકમેનામિનના એક મીડિયા બ્રીફિંગમાં કહ્યું કે એ વાતની જરુર છે કે આપણે તમામ લોકોને આગળ આવવા માટે અને રસીના બન્ને ડોઝ સાથે તેમના રસીકરણ માટે પ્રોત્સાહિત કરીએ.

જાણો આ બન્ને રસી કેટલા ટકા સુરક્ષા પુરી પાડે છે

એડિનબર્ગ અને સ્ટ્રૈથક્લાઈડ યુનિવર્સિટીની સાથે સાથે પબ્લિક હેલ્થ સ્કોટલેન્ડ શોધકર્તાઓએ જોયું કે ફાઈઝર રસીએ કોરોના વાયરસના આલ્ફા વેરિએન્ટની વિરુદ્ધ 92 ટકા અને બીજો ડોઝના 14 દિવસ બાદ ડેલ્ટા વેરિએન્ટની વિરુદ્ધ 79 ટકા સુરક્ષા પુરી પાડી છે. જેની સરખામણીએ એસ્ટ્રાજેનેકા રસીના ડેલ્ટા વેરિએન્ટની વિરુદ્ધ 73 ટકા અને 60 ટકા સુરક્ષા જ પુરી પાડે છે. જો કે શોધકર્તાઓને ચેતવણી આપી છે કે ડેટાનું અવલોકન પ્રકૃતિના કારણે બન્ને રસીની સરખામણીએ સાવધાનીથી થવી જોઈએ.

ડેલ્ટા આલ્ફા સ્વરુપથી લગભગ 60 ટકા વધારે સંક્રમિત

ઉલ્લેખનીય છે કે બ્રિટનના સ્વાસ્થ્ય વિશેષજ્ઞોની 11 જૂને જારી રિપોર્ટમાં કહ્યુ હતું કે સૌથી પહેલા ભારતમાં જોવા મળેલા કોરોના વાયરસના ડેલ્ટા વેરિએન્ટ અથવા ચિંતાજનક વેરિએન્ટ(વીઓસી)બી.1.617.2 બ્રિટનમાં જોવા મળ્યા. આલ્ફા સ્વરુપથી લગભગ 60 ટકા વધારે સંક્રમિત છે અને રસીની અસરકારકતાને પણ એક હદ સુધી ઓછી કરી નાખે છે.

તમામ વિસ્તારોમાં ડેલ્ટાના મામલામાં વૃદ્ધિ દર ઉચો

પબ્લિક હેલ્થ ઈંગ્લેન્ડને પોતાના તાજા વિશ્લેષણમાં કહ્યુ કે પીએચઈનું નવુ અધ્યયન જણાવે છે કે ડેલ્ટા વેરિએન્ટ આલ્ફા વેરિએન્ટની સરખામણીમાં લગભગ 60 ટકા વધારે સંક્રમક છે.  તમામ વિસ્તારોમાં ડેલ્ટાના મામલામાં વૃદ્ધિ દર ઉચો છે. સ્થાનીક આકલન અનુસાર આની સંખ્યા 4.5થી 11.5 દિવસની વચ્ચે બેગણી થઈ જાય છે.