મોટા સમાચાર / ખુશખબરી : pfizerએ ભારતમાં રસીકરણ માટે ઈમરજન્સી ઉપયોગની મંજૂરી માંગી અને ...

• કંપનીએ દેશમાં રસીની આયાત તથા વિતરણની બાબતે મંજૂરી માંગી
• કંપની અમેરિકામાં પહેલાથી આ મંજૂરી માટે અરજી કરી ચૂકી છે
• રશિયામાં શનિવારે રસી કાર્યક્રમની શરુઆત થઈ

 
કંપનીએ દેશમાં રસીની આયાત તથા વિતરણની બાબતે મંજૂરી માંગી

સત્તાધારી સૂત્રોએ જણાવ્યું કે દવા નિયામકને સોંપવામાં આવેલી અરજીમાં કંપનીએ દેશમાં રસીની આયાત તથા વિતરણની બાબતે મંજૂરી માંગી છે. આ ઉપરાંત દવા તથા ક્લિનીકલ ટ્રાયલ પરિક્ષણના નિયમ 2019ની વિશેષ જોગવાઈ અંતર્ગત ભારતની વસ્તી પર ક્લિનીકલ પરિક્ષણની છુટ આપવા પર અપીલ કરવામાં આવી છે.  

કંપની અમેરિકામાં પહેલાથી આ મંજૂરી માટે અરજી કરી ચૂકી છે

એક સૂત્રના જણાવ્યાનુંસાર ફાઈઝર ઈન્ડિયાએ ભારતમાં તેની કોરોનાની રસીના ઉપયોગની મંજૂરી માટે 4 ડિસેમ્બરે ડીજીસીઆઈની સામે અરજી કરી છે. બ્રિટને બુધવારે ફાઈઝરની કોરોનાની રસીના ઈમરજન્સી ઉપયોગ માટે અસ્થાયી મંજૂરી આપી હતી. બ્રિટન બાદ બહરીને શુક્રવારે દુનિયાનો બીજો દેશ બન્યો હતો જેને આ કંપનીને અને રસીના ઈમરજન્સી ઉપયોગ માટે પરવાનગી આપી હતી. આ કંપની અમેરિકામાં પહેલાથી આ મંજૂરી માટે અરજી કરી ચૂકી છે.

રશિયામાં શનિવારે રસી કાર્યક્રમની શરુઆત થઈ

રશિયાની રાજધાની મોસ્કોમાં શનિવારે કોરોનાની રસીના કાર્યક્રમની શરુઆત થઈ ગઈ છે. જાણકારી અનુસાર આ રસી સૌથી પહેલા તે લોકોને આપવામાં આવી રહી છે. જેમનો સંક્રમિત થવાનો ખતરો સૌથી વધારે છે.  રશિયા પોતાના દેશમાં વિકસિત સ્પૂતનિક વી નામની રસીનો ઉપયોગ કરી રહ્યું છે. રશિયાએ શનિવારે તેની શરુઆત થઈ છે.

ભારત માટે મુશ્કેલ છે આ રસી 

ઉલ્લેખનીય છે કે ફાઇઝર કંપનીએ ભલે કહ્યું હોય કે તે ભારત સરકાર સાથે મળીને કાયમ કરવા માટે પ્રતિબદ્ધ છે. પરંતુ હાલમાં આ રસી ભારતમાં લાવવી મુશ્કેલ છે.  તેના બે કારણો હોઈ શકે છે પ્રથમ તો એ કે આ રસી હાલની માહિતી પ્રમાણેની સૌથી મોંઘી રસી માંની એક બની શકે છે, જેનાથી સમગ્ર ભારતની જનતાને રસીકરણ કરવું મુશ્કેલ થઇ શકે છે અને બીજું તેને શૂન્ય નીચે માઇનસ 70 ડિગ્રી સુધીના તાપમાને જ સ્ટોર કરી શકાય છે જેની સુવિધા ભારતમાં ઉપલબ્ધ નથી ખાસ કરીને આંતરિયાળ ભારતના ગામડાઓમાં તેને પહોંચાડવી મુશ્કેલ બની જશે. ત્યારે જોવાનું રહ્યું કે કેવી રીતે આ રસી ભારતમાં આવશે અને કાર્યરત થશે.