કર્મચારી ભવિષ્ય નિધિ સંગઠન (epfo) એ PF નિકાસી નિયમમાં એક મોટો ફેરફાર કરી દીધો છે. આ ફેરફાર બાદ જો તમારા ખાતામાં PF ની રકમ 10 લાખ રૂપિયાથી વધારે છે તો તમે હવે ફોર્મ ભરીને નિકાળી શકશો નહીં.
epfo એ નિયમમાં ફેરફાર કરતાં કહ્યું છે કે જો તમારી PF રકમ 10 લાખ રૂપિયાથી વધારે છે તો એને તમે ઓનલાઇન અપ્લાઇ કરીને જ નિકાળી શકશો. એના માટે ફિઝીકલ ફોર્મ સ્વીકાર કરવામાં આવશે નહીં.
આ ઉપરાંત જો તમારા ઇમ્પ્લાઇઝ પેન્શન સ્કીમ અકાઉન્ટમાં 5 લાખ રૂપિયાથી વધારે રકમ છે તો તમારા માટે પણ આ નિયમ લાગૂ થશે. તમારે પણ એના માટે ઓનલાઇન આવેદન કરવું પડશે.
epfo તરફથી આ પગલું ક્લેમ સેટલમેન્ટ દરમિયાન ફ્રોડ થવાની શક્યતાના કારણે ઊઠાવવામાં આવ્યું છે. એનો અર્થ એ છે કે હવે તમે તમારા 10 લાખથી વધારે PF ઓફલાઇન મોડથી નિકાળી શકશો નહીં.
જણાવી દઇએ કે હાલના સમયમાં તમારી બેઝિક સેલેરીના 12 ટકા PF તરીકે કપાય છે. એના 8.66 ટકા તમારા પેન્શન ખાતામાં જાય છે.
આ શરત પૂરી કરવી જરૂરી છે.
જો તમે ઓનલાઇન PF વિડ્રો કરવા ઇચ્છો છો તો એના માટે તમારે તમારું PF અકાઉન્ટ તમારા આધાર સાથે લિંક કરવું જરૂરી છે. જો તમારું PF અકાઉન્ટ આધારથી લિંક નહીં થાય તો તમે ઓનલાઇન PF નિકાળવા માટે અપ્લાય કરી શકશો નહીં.
માત્ર 10 લાખથી વધારેની રકમ નહીં પરંતુ એનાથી ઓછી PF રકમને વિડ્રો કરવા માટે પણ ઓનલાઇન અપ્લાય કરી શકો છો. જો કે આધાર લિંક કર્યા વગર તમે આ કામ ઓનલાઇન કરી શકશો નહીં.