દરેક નોકરિયાત વ્યક્તિ માટે પ્રોવિડન્ટ ફંડના પૈસા ખૂબ જ મહત્વ ધરાવે છે. આ જ રમકથી લોકો પોતાનું ભવિષ્ય સુરક્ષિત કરી શકે છે. પીએફ વિશે માહિતી મેળવવા માટે UAN નંબર ખૂબ જ મહત્વ ધરાવે છે. UAN નંબર દ્વારા જ તમે પ્રોવિડન્ટ ફંડ એકાઉન્ટની ડીટેલ્સ મેળવી શકો છો. આ જ રીતે રિટાયરમેન્ટ વખતે પેન્શન પેમેન્ટ ઓર્ડર (PPO)ની જરૂર હોય છે. આ 12 આંકડાનો એક નંબર હોય છે. ચાલો જાણી આ વિશે મહત્વની બાબતો.
EPFOએ નોકરિતો માટે શરૂ કરી નવી સુવિધા
દેશના કરોડો પીએફ ખાતાધારકોને મળશે લાભ
DigiLockerની સુવિધા શરૂ કરી
ઈપીએફઓએ એક ખાસ સુવિધા શરૂ કરી છે. આ સુવિધા હેઠળ તમે સરકારની ઈ-લોકર સર્વિસ DigiLockerમાંથી તમારો UAN/PPO નંબર કાઢી શકો છો. ઈપીએફઓની આ સુવિધાનો લાભ દેશના કરોડો પીએફ ખાતાધારકોને મળશે. ડિજિલોકરની વેબસાઈટ DigiLocker પર જઈને UAN/PPO નંબર કાઢી શકો છો.
જોકે, આ માહિતી મેળવવા માટે તમારે તમારું એકાઉન્ટ બનાવવું પડશે. તમને જણાવી દઈએ કે, પ્રધાનમંત્રીના નરેન્દ્ર મોદીના ડિજિટલ ઈન્ડિયા પ્રોગ્રામ હેઠળ ડિજિટલ લોકરની શરૂઆત કરવામાં આવી છે. ઈન્ટરનેટ આધારિત આ સેવા દ્વારા તમે જન્મ પ્રમાણપાત્ર, પાસપોર્ટ, શૈક્ષણિક પ્રમાણપત્ર જેવા મહત્વપૂર્ણ ડોક્યૂમેન્ટ્સ પણ ઓનલાઈન રાખી શકો છો. જેના માટે તમારી પાસે આધાર કાર્ડ હોવું જરૂરી છે. આધાર નંબરથી તમે તમારું ડિજિટલ લોકર ખોલાવી શકો છો.