જો તમને અચાનક પૈસાની જરૂર પડે અને તમે તમારા પીએફ ખાતામાંથી પૈસા ઉપાડવા માંગો છો તો માત્ર એક જ કલાકમાં પૈસા તમારા ખાતામાં જમા થઈ જશે. જાણી લો આ પ્રોસેસ.
પીએફ ખાતાધારકો માટે સારાં સમાચાર
માત્ર 1 જ કલાકમાં પીએફના પૈસા મળી જશે
આ પ્રોસેસથી ખાતામાં આવી જશે પૈસા
કોરોના વાયરસ દરમિયાન અચાનક પૈસાની જરૂરિયાતને ધ્યાનમાં રાખીને કેન્દ્ર સરકારે પ્રોવિડન્ટ ફંડ સંબંધિત નવી સેવા શરૂ કરી છે. આ હેઠળ તમે હવે તમારા કર્મચારી ભવિષ્ય નિધિ (EPF)માંથી 1 લાખ રૂપિયા એડવાન્સ ઉપાડી શકો છો. તમે કોઈપણ પ્રકારની મેડિકલ ઈમરજન્સી દરમિયાન આ પૈસા ઉપાડી શકો છો. સાથે જ એડવાન્સ પૈસા માટે અરજી કર્યા બાદ બેંક ખાતામાં ટ્રાન્સફર (DBT)નો સમય પણ ઘટાડવામાં આવ્યો છે. આ માટે સરકારે નિયમોમાં કેટલાક મહત્વના ફેરફાર કર્યા છે.
બિલની જરૂર નહીં પડે
કર્મચારી ભવિષ્ય નિધિ સંગઠન (EPFO)એ જણાવ્યું છે કે કર્મચારીઓને 1 લાખ રૂપિયા સુધીનું મેડિકલ એડવાન્સ ઉપાડવાની સુવિધા શરૂ કરવામાં આવી છે. કોરોના વાયરસ સિવાયની કોઈપણ બીમારી દરમિયાન ઇમરજન્સીમાં હોસ્પિટલમાં દાખલ થવા પર PFમાંથી પૈસા ઉપાડી શકાય છે. અગાઉ પણ મેડિકલ ઈમરજન્સી સમયે EPFમાંથી પૈસા ઉપાડી શકતા હતા, પરંતુ તે મેડિકલ બિલ જમા કરાવ્યા બાદ મળતું હતું. સાથે જ નવી મેડિકલ એડવાન્સ સેવા અગાઉની સિસ્ટમથી અલગ છે. આમાં તમારે કોઈ બિલ ચૂકવવાની જરૂર નથી. તમારે ફક્ત અરજી કરવાની છે અને 3 દિવસની જગ્યાએ હવે માત્ર 1 કલાકની અંદર તમારા ખાતામાં પૈસા ટ્રાન્સફર થઈ જશે.
કઈ રીતે ઉપાડવા પીએફમાંથી પૈસા
આ માટે તમારે પહેલાં epfindia.gov.in વેબસાઇટની મુલાકાત લેવી પડશે.
પછી વેબસાઈટના હોમ પેજ પર ઉપર જમણા ખૂણામાં ઓનલાઈન એડવાન્સ ક્લેમ પર ક્લિક કરો.
આ પછી unifiedportalmem.epfindia.gov.in/memberinterface પર જાઓ.
ત્યારબાદ ઓનલાઇન સેવાઓ પર જાઓ. આ પછી ક્લેમ ફોર્મ -31, 19, 10 સી અને 10 ડી ભરો.
તમારા બેંક ખાતાના છેલ્લા 4 અંકો દાખલ કરો.
Proceed for Online Claim પર ક્લિક કરો.
ડ્રોપ ડાઉનમાંથી પીએફ એડવાન્સ પસંદ કરો.
પૈસા ઉપાડવાનું કારણ પસંદ કરો. રકમ દાખલ કરો અને ચેકની સ્કેન કરેલી કોપી અપલોડ કરો. પછી તમારું સરનામું દાખલ કરો.
Get Aadhaar OTP પર ક્લિક કરો અને આધાર લિંક્ડ મોબાઇલ પર પ્રાપ્ત ઓટીપી દાખલ કરો.
આ સાથે તમારો ક્લેમ ફાઈલ કરવામાં આવશે. એક કલાકમાં તમારા ખાતામાં PF ક્લેમના પૈસા આવી જશે.