તમારા કામનું / UAN નંબર ન હોય તો ચિંતા ન કરતાં, આ સરળ રીતથી તમે PF ખાતામાંથી ઉપાડી શકો છો પૈસા

• યુએએન નંબર ન હોય તો ચિંતા ન કરતાં
• આ રીતે પણ તમે ઉપાડી શકો છો પૈસા
• આ સરળ સ્ટેપ્સથી તમારું કામ થઈ જશે

મોટાભાગના લોકો માને છે કે યુએએન નંબર વિના પ્રોવિડન્ટ ફંડ (પીએફ)માંથી પૈસા ઉપાડી નહીં શકાય. ખાસ કરીને આ સમસ્યા એવા લોકોને થાય છે જેમણે પહેલાની કંપની છોડી દીધી છે અને ત્યાં તેમનો યુએએન નંબર જણાવવા માટે કોઈ નથી. ઉલ્લેખનીય છે કે એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)એ તેની સિસ્ટમમાં જરૂરી ફેરફાર કર્યા છે, જેથી પ્રોવિડન્ટ ફંડ એકાઉન્ટ ધારક યુએએન નંબર વિના પણ પીએફનું બેલેન્સ ઉપાડી શકે છે. સાથે જ કેટલું બેલેન્સ છે એ પણ જાણી શકે છે. 

તમને જણાવી દઈએ કે યુએએન 12 અંકનો અનોખો નંબર હોય છે જે EPFO ​​સબ્સ્ક્રાઇબર્સને પરમાનેન્ટલી ફાળવવામાં આવે છે. આ નંબર ઇપીએફઓ સબ્સ્ક્રાઇબર્સ માટે ક્યારેય બદલાતો નથી અને દરેક યુઝરનુંપોતાનું અલગ યુએએન હોય છે. ઇપીએફઓએ તેની સિસ્ટમ વધુ પારદર્શક બનાવવા માટે હાલમાં ઘણાં ટેક્નિકલ અપગ્રેડ કર્યા છે. યુએએન વિના પીએફ ખાતાનું બેલેન્સ ચેક કરવાઇપીએફઓની સત્તાવાર વેબસાઇટ www.epfindia.gov.in પર જવું પડશે અને સરળ સ્ટેપ્સ ફોલો કરીને જાણી શકે છે. 

આ રીતે જાણો

• યુએએન વિના પીએફ બેલેન્સ ચેક કરવા માટે, પહેલા epfindia.gov.in પર જાઓ અને લોગિન કરો.
• આ પછી હોમ પેજ પર આપેલ Click Here to Know your EPF Balanceની લિંક પર ક્લિક કરો.
• પછી epfoservices.in/epfo પર રીડાયરેક્ટ કરી દેશે જ્યાં તમારે ember Balance Information ઉપર ક્લિક કરવું પડશે.
• આ પછી ઇપીએફઓ મેમ્બરે પોતાનું રાજ્ય પસંદ કરવું પડશે અને તેમની ઇપીએફઓ ઓફિસ લિંકને ક્લિક કરવું પડશે.
• આ પછી તમને પીએફ એકાઉન્ટ નંબર, નામ અને નોંધાયેલ મોબાઇલ નંબર એન્ટર કરવાનું કહેવામાં આવશે.
• બધી માહિતી ભર્યા પછી તમારે સબમિટ બટન પર ક્લિક કરવું પડશે. આ પૂર્ણ થતાં જ પીએફ બેલેન્સ સ્ક્રીન પર દેખાશે.

આ રીતે ઉપાડો પૈસા

તમને જણાવી દઈએ કે કોઈપણ ઇપીએફઓ સબ્સ્ક્રાઇબર્સ તેમના પીએફ ખાતામાંથી નિવૃત્ત થયા પછી જ પૂરા પૈસા ઉપાડી શકે છે અથવા ઓછામાં ઓછા 2 મહિનાથી બેકાર હોય. સાથે જ, 1 મહિના માટે બેરોજગાર હોવાની સ્થિતિમાં તમે પીએફની કુલ રકમના 75% રકમ ઉપાડી શકો છો. યુએએન વિના પીએફ એકાઉન્ટમાંથી પૈસા ઉપાડવા માટે, ઇપીએફઓના ગ્રાહકોએ પીએફ ઉપાડ ફોર્મ ભરીને સ્થાનિક પીએફ ઓફિસમાં સબમિટ કરવું પડશે. સભ્યોએ આ માટે ઓનલાઇન આધાર બેસ્ડ ક્લેમ ફોર્મ અથવા નોન આધાર ક્લેમ ફોર્મ ડાઉનલોડ કરવો પડશે. આ ફોર્મ ભરીને, યુઝર તેમના પીએફ એકાઉન્ટમાંથી આંશિક અથવા પૂરા પૈસા ઉપાડી શકે છે.