નિયમ / ફ્રી LPG કનેક્શન લેનાર લોકો માટે મહત્વના સમાચાર, સરકાર બદલવા જઈ રહી છે સબ્સિડીનો નિયમ, જાણી લો વિગતો

• ફ્રી LPG કનેક્શન લેનાર લોકો માટે કામના સમાચાર
• ઉજ્જવલા યોજના હેઠળ ઉપલબ્ધ સબ્સિડીના સ્ટ્રક્ચરમાં સરકાર જલ્દી ફેરફાર કરી શકે છે
• હવે સરકાર OMCs તરફથી એડવાન્સ પેમેન્ટ મોડેલમાં બદલાવ કરી શકે છે

ઉજ્જવલા યોજના હેઠળ ઉપલબ્ધ સબ્સિડીના સ્ટ્રક્ચરમાં સરકાર જલ્દી ફેરફાર કરી શકે છે. મની કંટ્રોલના સમાચાર મુજબ, પેટ્રોલિયમ મંત્રાલય 2 નવા સ્ટ્રક્ચર્સ પર કામ કરી રહ્યું છે અને તે ટૂંક સમયમાં જ જારી કરવામાં આવી શકે છે. કેન્દ્ર સરકારે આ બજેટમાં એક કરોડ નવા કનેક્શન આપવાની જાહેરાત કરી હતી, પરંતુ હવે સરકાર OMCs તરફથી એડવાન્સ પેમેન્ટ મોડેલમાં બદલાવ કરી શકે છે. 

સૂત્રો પાસેથી પ્રાપ્ત માહિતી અનુસાર, કંપની લમ્પસમ 1600 રૂપિયાનું એડવાન્સ પેમેન્ટ વસૂલશે. હાલમાં, OMCs એડવાન્સ રકમ ી ઇએમઆઈ દ્વારા વસૂલે છે. જ્યારે આ મામલે જાણકારી રાખનારા સૂત્રના જણાવ્યા મુજબ, સરકાર યોજનામાં બાકીની 1600ની સબસિડી આપવાનું ચાલુ રાખશે.

મળે છે 14.2 કિલોનો સિલિન્ડર અને સ્ટોવ 

આ સરકારી યોજનામાં ગ્રાહકોને 14.2 કિલો સિલિન્ડર અને સ્ટોવ આપવામાં આવે છે. તેની કિંમત આશરે 3200 રૂપિયા છે અને તેમાં સરકાર તરફ રૂપિયા 1600ની સબસિડી મળે છે, જ્યારે OMCs એડવાન્સ રૂપે 1600 રૂપિયા આપે છે. જોકે, OMCs રિફિલિંગ કરાવવા પર, સબ્સિડીની રકમ ઇએમઆઈ તરીકે વસૂલે છે.

આ રીતે તમે આ યોજનામાં રજિસ્ટ્રેશન કરાવી શકો છો

આ યોજના માટે રજિસ્ટ્રેશન કરવી ખૂબ જ સરળ છે. ઉજ્જવલા યોજના હેઠળ, બીપીએલ પરિવારની મહિલા ગેસ કનેક્શન મેળવવા માટે અરજી કરી શકે છે. તમે જાતે જ આ યોજના સાથે જોડાયેલી ઓફિશિયલ વેબસાઇટ pmujjwalayojana.com પર જઈને વિગતવાર માહિતી મેળવી શકો છો. નોંધણી કરવા માટે, તમારે સૌ પ્રથમ ફોર્મ ભરીને તેને નજીકના એલપીજી વિતરકને સબમિટ કરવું પડશે.

આ ઉપરાંત મહિલાએ પોતાનું સંપૂર્ણ સરનામું, જન ધન બેંક એકાઉન્ટ અને પરિવારના તમામ સભ્યોનો આધાર નંબર પણ આપવો પડશે. બાદમાં તેની પ્રક્રિયા કર્યા પછી દેશની ઓઇલ માર્કેટિંગ કંપનીઓ યોગ્ય લાભાર્થીને એલપીજી કનેક્શન્સ જારી કરે છે. જો ગ્રાહક ઇએમઆઈ પસંદ કરે છે, તો ઇએમઆઈ રકમ સિલિન્ડર પરની સબ્સિડીમાં એડજસ્ટ કરવામાં આવે છે.