આજે પેટ્રોલમાં 29 પૈસા અને ડીઝલમાં 38 પૈસાનો વધારો થયો છે ત્યારે નવસારી જન આશીર્વાદ યાત્રા દરમિયાન ગુજરાત નાણા મંત્રી કનુ દેસાઈએ પેટ્રોલ-ડીઝલના ભાવને લઇને મોટું નિવેદન આપ્યું હતું.
ન્ય રાજ્યો કરતા ગુજરાતમાં પેટ્રોલ-ડીઝલના ભાવ ઓછાઃ કનુ દેસાઇ
ગુજરાતના કેટલાક શહેરોમાં આજે જ પેટ્રોલ-ડીઝલના ભાવ 100ને પાર થયા છે
મંત્રીના આ પ્રકારના નિવેદનથી લોકોમાં અનેક તર્ક વિતર્ક
આજે પેટ્રોલમાં 29 પૈસા અને ડીઝલમાં 38 પૈસાનો વધારો
ગુજરાતમાં સત્તા પરિવર્તન બાદ ભૂપેન્દ્ર પટેલની નવનિયુક્ત સરકારના નાણાં, ઉર્જા અને પેટ્રોલિયમ પ્રધાન કનુ દેસાઈ આજે નવસારીની જનતાના આશીર્વાદ મેળવવા જન આશીર્વાદ યાત્રા લઈને નીકળ્યા હતા. નવસારીના ગણદેવી તાલુકામાં જન આશીર્વાદ યાત્રા ફરી નવસારી પહોંચી હતી. નવસારીનાં લુન્સીકૂઇ ખાતે પૂર્વ વડાપ્રધાન મોરારજી દેસાઈની પ્રતિમાને પુષ્પ વંદના કર્યા, બાદ નાણા કનુ દેસાઇએ જન સભા સંબોધી હતી.
નવસારીમાં આજે પેટ્રોલ 100 રૂપિયાને પાર થયું છે, ત્યારે નવનિયુક્ત પેટ્રોલિયમ પ્રધાને પેટ્રોલનો ભાવ ઉતારવા મુદ્દે સરકાર શું પગલા લેશે નો સવાલ કરતા, પેટ્રોલિયમ પ્રધાન કનું દેસાઈએ આ મુદ્દે વિધાનસભામાં જવાબ આપી દીધો છે અને અન્ય રાજ્યો કરતાં ગુજરાતમાં પેટ્રોલના ભાવ ઓછા હોવાનું જણાવી બીજું કંઈ પણ કહેવાનું ટાળ્યું હતુ.
અહીં તેમણે નવસારી અને જલાલપોરના ધારાસભ્ય દ્વારા લાંબા સમયથી ગ્રાન્ટને કારણે અટકેલા 600 કરોડના કામોને વહેલી મંજૂરી આપવામાં આવશે એવી હૈયાધરપત પણ આપી હતી. સાથે જ રખડતા ઢોરની સમસ્યાના નિરાકરણ માટે પણ વિશાળ પાંજરાપોળ બનાવવા માટેના પ્રયાસો થઈ રહ્યા હોવાનું જણાવ્યું હતું.
કયા જિલ્લામાં આજે પેટ્રોલ-ડીઝલનો શું ભાવ? (પ્રતિલીટર ભાવ)
આંતરરાષ્ટ્રીય બજારમાં ક્રૂડના ભાવ વધારાની અસર વર્તાઇ રહી છે. સમગ્ર દેશ સહિત ગુજરાતના જિલ્લાઓમાં પેટ્રોલ-ડીઝલના ભાવ સતત વધી રહ્યા છે. પેટ્રોલના કમરતોડ ભાવ વધારાથી લોકો ત્રાહિમામ પોકારી રહ્યા છે. આજે પેટ્રોલમાં 29 પૈસા અને ડીઝલમાં 38 પૈસાનો વધારો થયો છે. આજે અમદાવાદ પ્રથમ વખત પેટ્રોલ 100 રૂપિયાને પાર પહોંચ્યું છે. તો અમદાવાદ સહિત ભાવનગર, વડોદરામાં પણ પેટ્રોલના ભાવ 100 રૂપિયાને પાર પહોંચ્યા છે.