ખુશખબર / આગામી અઠવાડિયામાં પેટ્રોલ-ડીઝલના ભાવ ઘટશે, પેટ્રોલિયમ મંત્રીએ આપ્યા સંકેત, જાણો કેટલા રુપિયાનો થશે ઘટાડો

• આંતરરાષ્ટ્રીય માર્કેટમાં પરિસ્થિતિ સુધરી 
• ઘરેલુ મોરચે પણ પેટ્રોલ અને ડીઝલના ભાવમાં ઘટાડો જોવા મળશે
• 1 રુપિયાથી માંડીને 5 રુપિયાનો ઘટાડો થઈ શકે છે 

તેમણે કહ્યું કે હવે પેટ્રોલ-ડીઝલ અને એલપીજીના ભાવ ઘટવાનું શરુ થયું છે અને આગામી દિવસોમાં વધારે ઘટશે. ભાવ કેટલા ઘટશે તે અંગે તેમણે જણાવ્યું કે હાલમાં તો કંઈ કહી શકાય નહીં પરંતુ ઘટાડો મોટા પ્રમાણમાં હશે. કદાચ 1 રુપિયાથી 5 રુપિયા સુધીનો ઘટાડો થઈ શકે. 

Petrol, diesel & LPG prices have started reducing now & they'll reduce further in the coming days. We had stated earlier also that we'll transfer benefit from decrease in crude oil prices in international market to the end customers: Dharmendra Pradhan, Union Petroleum Minister pic.twitter.com/cG3SO3E7bg

— ANI (@ANI) April 4, 2021

પેટ્રોલિયમ મંત્રીનું આ નિવેદન સામાન્ય લોકો માટે રાહતરુપ છે. પ્રધાને જણાવ્યું કે સરકારને થોડા સંસાધનની જરુર છે અને પેટ્રોલ અને ડીઝલ પરના ટેક્સ દ્વારા કેન્દ્ર અને રાજ્ય સરકારને સારી આવક થઈ રહી છે. 

  
છેલ્લા 7 વર્ષમાં વધ્યા ભાવ-પેટ્રોલિયમ મંત્રી
આ પહેલા પેટ્રોલિયમ મંત્રી ધર્મેન્દ્ર પ્રધાને લોકસભામાં સાંસદનોની નારાજગીનો સામનો કરવો પડ્યો હતો. લોકસભામાં પેટ્રોલિયમ પદાર્થોની વધી રહેલી કિંમતો પર તેમણે સ્વીકાર કર્યો હતો. છેલ્લા 7 વર્ષમાં તેનો ભાવ ખૂબ વધ્યાં છે. પેટ્રોલ અને ડીઝલ પર ટેક્સમાં 459 ટકાનો વધારો થયો છે.