શું આપ ક્યારેય કલ્પના કરી શકો કે પેટ્રોલ એક રૂપિયે લીટર હોય ? નહીં ને...પણ આવું મહારાષ્ટ્રમાં ગત રોજ થયું છે.
મોંઘવારીથી જનતા ત્રસ્ત
વિરોધ માટે અનોખી રીત અપનાવી
1 રૂપિયાના દરે પેટ્રોલ વેચાયું
શું આપ ક્યારેય કલ્પના કરી શકો કે પેટ્રોલ એક રૂપિયે લીટર હોય ? નહીં ને...પણ આવું થયું છે. વધતી મોંઘવારી અને આકાશે આંબતા પેટ્રોલ અને ડીઝલના ભાવની વચ્ચે મહારાષ્ટ્રના સોલાપુરમાં એક રૂપિયે લીટર પેટ્રોલ વેચવામાં આવ્યું હતું. તેને ખરીદવા માટે લોકોની લાઈનો લાગી હતી. સ્થિતિ એવી થઈ કે, બાદમાં ભીડને કાબૂમાં કરવા માટે પોલીસને પણ બોલાવી પડી હતી.
500 લોકોને મળ્યું સૌથી સસ્તુ પેટ્રોલ
પેટ્રોલના ભાવ છેલ્લા 10 દિવસથી સ્થિર છે. જો કે, આ અગાઉ સતત 10 દિવસ સુધી વધતા રહ્યા હતા. ત્યારે આવા સમયે મોંઘવારીની માર સામાન્ય માણસોના ખિસ્સા પર પડી રહી છે. તેથી સોલાપુરમાં 500 લોકોને 1 રૂપિયા લેખે પેટ્રોલ આપવામાં આવ્યું હતું. આ આયોજન ડો. આંબેડકરપ સ્ટૂડેંટ્સ એન્ડ યુથ પેન્થર્સ તરફથી આયોજીત કરવામાં આવ્યું હતું.
વિરોધની અનોખી રીત
હકીકતમાં આ આયોજન પેટ્રોલ અને ડીઝલના વધતા ભાવનો વિરોધ કરવા માટે ડો. ભીમરાવ આંબેડકરની જયંતિના અવસરે કરવામાં આવ્યો હતો. વિરોધના ભાગ રૂપે 500 લોકોને જ સસ્તાદરે પેટ્રોલ અને ડીઝલ આપવામાં આવ્યું હતું. જો કે, તેમ છતાં પણ ઘણી વાર સુધી લોકો પેટ્રોલ પંપ પર આવી રહ્યા હતા. સંગઠનની પ્રદેશ કમિટિના નેતા મહેશ સર્વગૌડાએ કહ્યું કે, મોંઘવારી એટલી વધી છે કે, પેટ્રોલના ભાવ 120 રૂપિયા પ્રતિ લિટર થઈ ગયા છે. ત્યારે આવા સમયે લોકોને રાહત આપવા અને ડો. આંબેડકરની જયંતિ મનાવવા માટે એક રૂપિયાના દરે પેટ્રોલ વેચવામાં આવી રહ્યું છે.
મોંઘવારીનો માર
પેટ્રોલ અને ડીઝલ તથા સીએનજીની કિંમતોમાં દરરોજ ઉછાળો આવી રહ્યો છે. તેનાથી સામાન્ય જનતા ત્રાહિમામ પોકારી ઉઠી છે. તેનો માર રસોઈથી લઈને તમામ જગ્યાએ સ્પષ્ટ દેખાઈ રહ્યો છે. છેલ્લા ત્રણ મહિનામાં સીએનજીના ભાવમાં 33 ટકાનો વધારો આવ્યો છે. તો વળી પેટ્રોલ અને ડીઝલના ભાવમાં 10.48 ટકા તથા 11.53 ટકાનો વધારો આવ્યો છે. તેની અસર દરેક લોકો પર દેખાઈ રહી છે.