પેટ્રોલપંપનું કટકી કૌભાંડ સામે આવ્યુ છે. પેટ્રોલમાં કટકી થતી હોવાનું લગભગ તમામ લોકોને લાગતુ હોય છે આવુ જ એક કટકી કૌભાંડનો વીડિયો વાયરલ થઈ રહ્યો છે. વીડિયોમાં 10 લીટર પેટ્રોલને બદલે 8 લીટર જ પેટ્રોલ આપવામાં આવતા વિવાદ થયો છે.
પેટ્રોલ પણ બન્યું છેતરપિંડીનું કેન્દ્ર
માગો 10 લીટર, મળે છે 8 લીટર પેટ્રોલ
2 લીટર પેટ્રોલની કટકી કરે છે કર્મચારી
પેટ્રોલ પંપ પર કર્મચારીઓ દ્વારા ગ્રાહકો સાથે છેતરપિંડીના પુરાવા રૂપે એક વીડિયો સામે આવ્યો છે. આ વીડિયો મારફતે દાવો થઈ રહ્યો છે કે ગ્રાહકે 10 લીટર પેટ્રોલ માગ્યું, પરંતુ મશીનમાંથી માત્ર 8 લીટર પેટ્રોલ નિકળ્યુ.
ગ્રાહકને શંકા જતા બહાર આવ્યુ કૌભાંડ
આ વીડિયો બગસરા પાસેના એક પેટ્રોલ પંપનો હોવાનો દાવો છે. વીડિયોમાં જોઈ શકાય છે કે ગ્રાહકને પેટ્રોલના જથ્થા અંગે શકા જતા તેણે માપન કરાવ્યું, તો આઠ લીટર પેટ્રોલ નિકળ્યું. આ કૌભાંડ સામે આવી જતા, પેટ્રોપ પંપના કર્મચારીએ મશીન ખરાબ હોવાનું બહાનું કાઢ્યું. પણ સવાલ એ છે કે જો આ ગ્રાહકને શંકા ન ગઈ હોત અને તેણે માપન ન કરાવ્યું હોત, તો તે પણ પેટ્રોલપંપના કર્મચારીઓની કટકીનો ભોગ બની જાત.
પેટ્રોલ ચોરીથી ઉઠી રહ્યા છે સવાલો
પેટ્રોલ પંપ પર ક્યારથી ચાલતી હતી છેતરપિંડી ? શું પેટ્રોલમાં કટકીની કહાની માત્ર કર્મચારી પુરતી જ સિમિત છે ? શું પેટ્રોપ પંપના માલિક પર આ કરતુતમાં છે સામેલ ? શું વીડિયો વાયરલ થયા બાદ કોઈ કાર્યવાહી થશે ? પેટ્રોલ પંપ કર્મચારીઓની કટકીબાજી પર ક્યારે આવશે અંકુશ ? ઘટનાનો પર્દાફાશ થાય તે પહેલા કેટલા રૂપિયાના પેટ્રોલની કરી છે ગોલમાલ ?