પેટ્રોલ અને ડીઝલના ભાવમાં સતત વધારો ચાલુ રહ્યો છે ત્યારે છેલ્લા 16 દિવસમાં સામાન્ય માણસને મોટો ફટકો પડ્યો છે. રોજે રોજ વધી રહેલા આ ભાવવધારાથી તેમની મુશ્કેલી વધારી છે. આજે પેટ્રોલના ભાવમામં 33 પૈસા અને ડીઝલના ભાવમાં 58 પૈસાનો વધારો થયો છે. ઉલ્લેખનીય છે કે છેલ્લા 16 દિવસમાં પેટ્રોલમાં 8.30 રૂપિયા અને ડીઝલમાં 9.22 રૂપિયાનો વધારો નોંધાયો છે.
પેટ્રોલ અને ડીઝલની કિંમતમાં વધારો
સતત 16મા દિવસે ભાવવધારાથી પ્રજા પરેશાન
16 દિવસમાં પેટ્રોલમાં 8.30 રૂપિયા અને ડીઝલમાં 9.22 રૂપિયાનો વધારો થયો
સરકારી ઓઈલ માર્કેટિંગ કંપનીઓ HPCL, BPCL, IOCએ સતત 16 મા દિવસે પણ પેટ્રોલ અને ડીઝલમાં ભાવવધારો ચાલુ રાખ્યો છે. સોમવારે રાજધાની દિલ્હીમાં પેટ્રોલની નવી કિંમત 79.56 રૂપિયા થઈ છે અને સાથે ડીઝલની કિંમતમાં 58 પૈસાના વધારા સાથે તે 78.85 રૂપિયે પહોંચ્યું છે.
એક્સપર્ટ્સનું કહેવું છે કે આંતરરાષ્ટ્રિય સ્તરે પેટ્રોલ હજુ પણ એક લિટર પાણીની પેકેજ્ડ બોટલથી સસ્તુ છે. દેશમાં કિંમતોમાં 21 મહિનામાં સૌથી મોટો વધારો થયો છે. માર્ચમાં સરકારે પેટ્રોલ અને ડીઝલ પર એક્સાઈઝ્ડ ડ્યૂટીમાં 3 રૂપિયા પ્રતિ લિટરનો વધારો કર્યો હચો. ત્યારબાદ પણ તેલ કંપનીઓએ ટેક્સ વધાર્યો નથી. હવે પેટ્રોલ પર રોજ ભાવવધારો કરી રહી છે.